შვედეთის საგარეო საქმეთა მინისტრი - შვედეთი ითვალისწინებს ფინეთის შეფასებებს ნატო-ში გაწევრიანებასთან დაკავშირებით
შვედეთის საგარეო საქმეთა მინისტრის, ან ლინდეს განცხადებით, შვედეთი გაითვალისწინებს ფინეთის შეფასებებს ნატო-ში გაწევრიანების შესახებ.
„ფინეთი არის შვედეთის უახლოესი პარტნიორი უსაფრთხოებისა და თავდაცვის სფეროში და ჩვენ უნდა გავითვალისწინოთ ფინეთის შეფასებები“, - წერს ან ლინდე „ტვიტერში“.
მისი თქმით, შვედეთი გადაწყვეტილებას უსაფრთხოების პოლიტიკის კონსულტაციების ანგარიშის წარდგენის შემდეგ მიიღებს.
შეგახსენებთ, დღეს ფინეთის პრეზიდენტმა საული ნიინისტემ და პრემიერ-მინისტრმა, სანა მარინმა ქვეყნის ნატო-ში გაწევრიანების მიმართ მხარდაჭერა გამოაცხადეს.
„ფინეთმა დაუყოვნებლივ უნდა გააკეთოს განაცხადი ნატო-ში გაწევრიანებაზე“, - ნათქვამია ლიდერების ერთობლივ განცხადებაში. რუსეთის უკრაინაში შეჭრის შემდეგ ალიანსში გაწევრიანების საკითხს აქტიურად განიხილავენ შვედეთშიც.
v-if="article.gallery" v-html="article.gallery"
