ირაკლი ყანდაშვილის საჯარო ლექცია თემაზე - „მედიაცია - დავის ეფექტურად რეგულირების ახალი შესაძლებლობა“ გაიმართა
კავკასიის საერთაშორისო უნივერსიტეტის (CIU) სამართლის ფაკულტეტზე არსებული სამართლის კლუბის ინიციატივით, სამართლის, ბიზნესისა და სოციალურ მეცნიერებათა ფაკულტეტების სტუდენტებისთვის, საქართველოს მედიატორთა ასოციაციის თავმჯდომარის, ირაკლი ყანდაშვილის საჯარო ლექცია თემაზე - „მედიაცია - დავის ეფექტურად რეგულირების ახალი შესაძლებლობა“ გაიმართა.
კავკასიის საერთაშორისო უნივერსიტეტის ცნობით, შეხვედრაზე ირაკლი ყანდაშვილმა მედიაციის განვითარების ეტაპებზე, სამართლის სისტემაში აღნიშნული ინსტიტუტის ადგილსა და როლზე, საქართველოში არსებულ იმ გამოწვევებზე ისაუბრა, რომლებიც მედიაციის სრულფასოვნად დამკვიდრებასთან არის დაკავშირებული.
მათივე ინფორმაციით, შეხვედრა ინტერაქტიულ ხასიათს ატარებდა. დამსწრეებს შესაძლებლობა ჰქონდათ, მედიაციასთან დაკავშირებული აქტუალური საკითხებზე დეტალური ინფორმაცია მიეღოთ.
v-if="article.gallery" v-html="article.gallery"
