ელენე ხოშტარია - „დროასა“ და ოპოზიციის სხვა წარმომადგენლები დასავლეთში მიემგზავრებიან სანქციების გასამყარებლად და ჩვენი ხალხის ნების საჩვენებლად, რომ ერთი ოლიგარქი არ უნდა უშლიდეს ხელს ერთიან ნებას, გავხდეთ ევროპის ნაწილი

„დროას“ და ოპოზიციის სხვა წარმომადგენლები დასავლეთში, ბრიუსელსა და ვაშინგტონში მიემგზავრებიან სწორედ, სანქციების გასამყარებლად და ჩვენი ხალხის ნების საჩვენებლად, რომ ერთი ოლიგარქი არ უნდა უშლიდეს ხელს ჩვენს ერთიან ნებას გავხდეთ ევროპის ნაწილი , - ამის შესახებ „დროას“ ლიდერმა ელენე ხოშტარიამ ბრიფინგზე განაცხადა.

ამასთან, ელენე ხოშტარიამ მოუწოდა ყველას, რომ 20 ივნისს დაგეგმილ აქციაზე მივიდნენ.

„ღარიბაშვილისგან და რეალურად ოლიგარქ ივანიშვილისგან მოვისმინეთ ძალიან ღია, მოღალატეობრივი განცხადება - ღალატი ჩვენი ქვეყნის ინტერესების. ეს არ არის გადამეტებული სიტყვები. ჩვენ ვნახეთ, რომ პროცესი, რომელიც ნელ-ნელა მიდიოდა ევროკავშირის პერსპექტივის წინააღმდეგ, მივიდა იმ წერტილამდე, როდესაც ღარიბაშვილი ღიად გვეუბნება, რომ კანდიდატობა არაფერს არ ნიშნავს და ხელს კრავს ჩვენი ქვეყნის ყველაზე მნიშვნელოვან რამეს, ევროპულ პერსპექტივას. ეს მოულოდნელი არ არის და ჩვენ წუწუნს არ ვაპირებთ - ჩვენ ვაპირებთ მოქმედებას და ჯერი რეალურად, დღეს ჩვენზეა, ყველა იმ პროდასავლურ მოქალაქეზე, რომლისთვისაც ეს არის გადამწყვეტი მომენტი.

მინდა გაგაცნოთ გეგმა, რა უნდა გავაკეთოთ ჩვენ:

პირველი, ჩვენს პარტნიორებთან მუშაობა, ორ რამეზე - სანქცირების პროცესის ბოლომდე მიყვანა, სასამართლო სისტემა და მთავარი პრინციპი, „კლანის“ დარღვევა და პოლიტიკური დევნის ინსტიტუტების განადგურება; პროკურატურა, ინსტრუმენტი, რომელიც ბიძინა ივანიშვილის ხელშია, ფარცხალაძის და შოთაძის შესრულებით, სუს-ი და პოლიტიკური პოლიცია - ჩვენ გვაქვს კონკრეტული ფაქტები.

მეორე თემა არის ჩვენი ხალხის კიდევ უფრო მტკიცედ და ხმამაღლა გაცნობა ჩვენი პარტნიორებისთვის.

„დროას“და ოპოზიციის სხვა წარმომადგენლებიც მიემგზავრებიან დასავლეთში ბრიუსელსა და ვაშინგტონში სწორედ, ამ ორი საკითხის გასამყარებლად - სანქციების და ჩვენი ხალხის ნების საჩვენებლად, რომ ერთი ოლიგარქი არ უნდა უშლიდეს ხელს ჩვენს ერთიან ნებას გავხდეთ ევროპის ნაწილი.

შემდეგი ამოცანაა ჩვენი შიდა მტკიცე და ურყევი პროტესტი. 20 ივნისს დაგეგმილ აქციაზე ყველამ ერთად, მიუხედავად, პარტიული კუთვნილებისა, უნდა ვთქვათ რომ ევროპა არის ჩვენი მომავალი. როგორც მოქალაქეები, რა თქმა უნდა, ვუერთდებით ამ სამოქალაქო ინიციატივას და ყველა ჩვენს მხარდამჭერს მოვუწოდებთ, რომ, 20 ივნისს ყველანი ერთად ვიყოთ. დღეს არის კრიტიკული მომენტი, როდესაც ჩვენ უნდა ვიფიქროთ ერთადერთზე - რას ვაკეთებთ ჩვენ და ეს ამოცანა არის ძალიან მკაფიო და ძალიან კონკრეტული“ , - განაცხადა ხოშტარიამ.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
ახალი ზოოპარკი და ახალი ბინადრები, რომელთა ნახვაც დამთვალიერებლებს შეეძლებათ - რა ეტაპზეა თბილისის ზღვაზე ახალი ტერიტორიის მოწყობა?
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით