რა კანონიც მიიღო უკრაინამ, იმ კრიტერიუმებით ამ რადიკალურ ოპოზიციას ჰყავს მინიმუმ 4 ოლიგარქი - ხაზარაძე, ჯაფარიძე, კეზერაშვილი, სააკაშვილი - ბიძინა ივანიშვილს არაფერი აქვს დასამტკიცებელი, დასამტკიცებელი თუ ვინმეს რამე ექნება, აქ ჩამოთვლილ გვარებს ექნებათ, - ამის შესახებ პარლამენტის ვიცე- სპიკერმა არჩილ თალაკვაძემ დეოლიგარქიზაციასთან დაკავშირებით განაცხადა.
რაც შეეხება ევროპარლამენტის რეზოლუციაში ივანიშვილის ოლიგარქად მოხსენიებას, თალაკვაძე აცხადებს, რომ მას 200- ზე მეტმა ევროპარლამენტმა არ დაუჭირა მხარი.
"ეს მოთხოვნა სამივე ქვეყანასთან მიმართებით დევს, ევროკომისიის დოკუმენტში საერთოდ არ წერია ივანიშვილზე. რა კანონიც მიიღო უკრაინამ, იმ კრიტერიუმებით ამ რადიკალურ ოპოზიციას ჰყავს მინიმუმ 4 ოლიგარქი, თუ ეს კანონი ზუსტად იმ სახით იქნება მიღებული. თუმცა, რადიკალურმა ოპოზიციამ გამოთქვა დღეს შიშები და მერყევი პოზიცია, რამდენად საჭიროა ასეთი კანონის მიღება. ოპოზიციიდან 4 ოლიგარქი გვეყოლება, ოთხივე გვარი თქვა პარტიის თავმჯდომარემ - ხაზარაძე, ჯაფარიძე, კეზერაშვილი, სააკაშვილი, ეს გვარები ითქვა. ბიძინა ივანიშვილს არაფერი აქვს დასამტკიცებელი, დასამტკიცებელი თუ ვინმედ რამე ექნება, აქ ჩამოთვლილ გვარებს ექნებათ, "- განაცხადა თალაკვაძემ.
