რუსეთის მიერ დანიშნული ხერსონის „ხელმძღვანელობის“ ინფორმაციით, ქალაქის მერი მოსკოვის ბრძანებების შეუსრულებლობის გამო დააკავეს

რუსეთის მიერ დანიშნული, დროებით ოკუპირებული ხერსონის ოლქის „ხელმძღვანელის მოადგილე“ ეკატერინა გუბარევა აცხადებს, რომ ქალაქ ხერსონის მერი, იგორ კოლიხაევი სამხედრო პოლიციამ იმის გამო დააკავა, რომ ის უარს აცხადებდა მოსკოვის ბრძანებების შესრულებაზე.

„შემიძლია დავადასტურო, რომ კოლიხაევი კომენდანტის (სამხედრო პოლიციის) ოფისმა დააკავა,“- წერს გუბარევა „ტვიტერზე“.

შეგახსენებთ, გუშინ ცნობილი გახდა, რომ დროებით ოკუპირებულ ხერსონში რუსმა ოკუპანტებმა ქალაქის მერი, იგორ კოლიხაევი გაიტაცეს.