გიორგი ვაშაძე - ევროპარლამენტარმა იანა ტუმმა გამოთქვა სურვილი საქართველოს მეგობრობის ჯგუფს შეუერთდეს და ევროპარლამენტში ამ ჯგუფის გაფართოება მოხდეს
„სტრატეგია აღმაშენებლის" თავმჯდომარემ ბრიუსელში მორიგი შეხვედრა ევროპარლამენტარ იანა ტუმთან გამართა. შეხვედრის მთავარი საკითხი ევროინტეგრაციის გზა და 12-პუნქტიანი გეგმის შესრულება იყო. ამის შესახებ ინფორმაციას „სტრატეგია აღმაშენებელი“ ავრცელებს.
როგორც ვაშაძე აღნიშნავს, იანა ტუმმა გამოთქვა მზაობა, ჩაერთოს საქართველოს მეგობრობის ჯგუფში და ევროპარლამენტში მოხდეს ამ ჯგუფის უფრო მეტად გაფართოება
„ბრიუსელში მორიგი შეხვედრა ევროპარლამენტარ იანა ტუმთან გავმართე. საუბარი რა თქმა უნდა საქართველოს ევროინტეგრაციის გზას შეეხებოდა. შეხვედრაზე ევროპარლამენტარის მხრიდან ხაზი გაესვა იმ 12 პუნქტის შესრულებას, რომელიც ევროკომისიამ საქართველოსთან მიმართებაში მიიღო. ასევე გამოთქვა სურვილი, რომ სხვა დეპუტატებთან ერთად უფრო აქტიურად ჩაერთოს საქართველოს მეგობრების ჯგუფის საქმიანობაში და ასევე გაფართოვდეს ჩვენი ქვეყნის მეგობრების ჯგუფის წრე ევროპარლამენტში", - განაცხადა გიორგი ვაშაძემ.
v-if="article.gallery" v-html="article.gallery"
