დონეცკში საცხოვრებელ კორპუსზე სარაკეტო იერიშის შედეგად გარდაცვლილთა რიცხვი 19-მდე გაიზარდა

დონეცკის ოლქის ქალაქ ჩასივ- იარში ხუთსართულიანი შენობის ნანგრევებიდან მაშველებმა 19 დაღუპულის ცხედარი ამოასვენეს, - ინფორმაციას უკრაინული მედია საგანგებო სიტუაციების სახელმწიფო სამსახურზე დაყრდნობით ავრცელებს.

„ქალაქ ჩასოვ იარში დაბომბვის შედეგად დანგრეული 5 სართულიანი საცხოვრებელი კორპუსის ნანგრევებიდან მაშველებმა კიდევ ერთი გარდაცვლილის ცხედარი ამოიყვანეს. საერთო ჯამში, ნაპოვნია 19 გარდაცვლილი“, - ნათქვამია განცხადებაში.

მათივე ინფორმაციით, ნანგრევების ქვეშ მოყოლილი 8 ადამიანის გადარჩენა მოხერხდა.

სამძებრო-სამაშველო სამუშაოები გრძელდება.

ცნობისათვის, გუშინ, დონეცკის ოლქში, ქალაქ კრამატორსკთან ახლოს მდებარე ჩასივ-იარში რუსული „ურაგანის“ ტიპის რაკეტებით კორპუსზე იერიში განხორციელდა.