იუსტიციის მინისტრის მოადგილე თორნიკე ჭეიშვილი განმარტავს, რითია გამოწვეული ის, რომ ციხეებში საკნების ნაწილი კეთილმოწყობილია, მათ შორის, დაგებულია ე.წ. ლამინატის იატაკიც.

თორნიკე ჭიეშვილის თქმით, ყველა პატიმარს აქვს უფლება მაღაზიაში შეიძინოს ნივთი, ან მასალა და გარკვეულ ეტაპზე ხელმისაწვდომი იყო ე.წ. ლამინატიც.

„რაც შეეხება „პარკეტს“, თითოეულ პატიმარს აქვს თავისი ლიმიტი, რომელიც ყოველთვიურად შეუძლია აითვისოს, თუ ამ თანხის ფარგლებში, მას მაღაზიაში შეუძლია შეიძინოს გარკვეული ნივთი, ან მასალა, რომლითაც თავადვე კეთილმოაწყობს საკანს, ეს მისი უფლებაა. მათ შორის, მე-17 დაწესებულებაში როგორც ჩემთვისაა ცნობილი, გარკვეულ ეტაპზე ხელმისაწვდომი იყო ე.წ. ლამინატი. სავარაუდოდ, წესების დაცვით მოხდა შეძენა, თუმცა, ესეც გადასამოწმებელია“, - განაცხადა ჭეიშვილმა.