გიორგი ვაშაძე - ძალიან ვწუხვარ, რომ ძალით დაყრუებულ "ქართულ ოცნებას" დასჭირდა მისი მამა-მარჩენალის სახელისა და გვარის ხსენება ევროპარლამენტში - რა თქვეს, კიდევ არ გვესმისო?

ძალიან ვწუხვარ, რომ ძალით დაყრუებულ "ქართულ ოცნებას" დასჭირდა მისი მამა-მარჩენალის სახელისა და გვარის ხსენება ევროპარლამენტში, ახლა მაინტერესებს, ეს სახელი და გვარი რომ გაიგეს, რა თქვეს, კიდევ არ გვესმისო?!- ასე ეხმიანება "სტრატეგია აღმაშენებლის" თავმჯდომარე გიორგი ვაშაძე ჟურნალისტებთან ევროპარლამენტში დეოლიგარქიაზაციასთან დაკავშირებით გაკეთებულ განცხადებებს.

მისი თქმით, ოპოზიციამ ერთიანობით უნდა განაგრძოს მოქმედება.

"საქმე მდგომარეობს იმაში, რომ ჩვენ უპრეცედენტო ერთიანობით უნდა გავაგრძელოთ მოქმედება, რომელიც გვაქვს რიგგარეშე სხდომასთან დაკავშირებით. უნდა გავაგრძელოთ საკანონმდებლო აქტების შემუშავება, ევროპელ და ამერიკელ პარტნიორებთან სრულ თანხვედრაში ყოფნა, საზოგადოებასთან კომუნიკაცია, სექტემბრიდან მასობრივი საერთო ეროვნული მოძრაობის დაწყება მთელი საქართველოს მასშტაბით, რომ მივიდეთ გამარჯვებამდე. გამარჯვება არის დეკემბერში კანდიდატის სტატუსის მიღება, რომელსაც ჩვენ "ქართული ოცნების"," ქართული ოცნება 2-" ის, ან გამიჯნულ-შემიჯნულების ხელით ვერასდროს მივიღებთ. უნდა მოვუსმინოთ დასავლელ პარტნიორებს და გავითვალისწინოთ ყველა მათი რჩევა”,- აღნიშნა ვაშაძემ.

ამასთან, მისი თქმით, საქართველოს მესამე პრეზიდენტისა და „მთავარი არხის“ გენერალური დირექტორის ნიკა გვარამიას გათავისუფლება „დიდი დეოლიგარქიზაციის“ შედეგად მოხდება.

„რაც შეეხება გვარამიას და სააკაშვილს, დიდი დეოლიგარქიზაციის პროცესის შედეგად, როცა საბოლოოდ დეპოლარიზება მოხდება ქვეყანაში, მოხდება მათი გათავისუფლება", - განაცხადა ვაშაძემ.

ცნობისათვის, დეოლიგარქიზაციასთან დაკავშირებით ევროპარლამენტში განცხადებები გაკეთდა.

"თუ „ქართულმა ოცნებამ“ ვერ გაიგო, თუ რას ნიშნავს დეოლიგარქიზაცია, რომელიც ევროკომისიის წინადადებაშია აღნიშნული, მე დავეხმარები, რომ გაიგოს - ეს ნიშნავს საქართველოს "დებიძინიზაციას" ან "დეივანიშვილიზაციას", - განაცხადა ევროპარლამენტარმა რასა იუკნევიჩიენემ ევროპარლამენტში საქართველოსთან ევროკავშირის ასოცირების შეთანხმების წლიური ანგარიშის განხილვისას.

ანდრიუს კუბილიუსის თქმით კი, ოლიგარქი არის პირი, რომელსაც აქვს ბევრი ფული, დატყვევებული ჰყავს სახელმწიფო და ერთადერთი ასეთი პიროვნება საქართველოში ბიძინა ივანიშვილია.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა