რუსეთი აცხადებს, რომ იაპონიის პარლამენტის 384 წევრს სანქციები დაუწესა
რუსეთის საგარეო საქმეთა სამინისტრომ განაცხადა, რომ იაპონიის პარლამენტის წარმომადგენელთა პალატის 384 წევრს სანქციები დაუწესა. აღნიშნული ინფორმაცია მედიაში ვრცელდება.
მედიის ცნობით, დღევანდელი დღის შემდეგ რუსეთის მიერ სანქცირებულ იაპონელ კანონმდებლებს რუსეთში შესვლა ეკრძალებათ.
რუსეთის საგარეო უწყების ინფორმაციით, ამის მიზეზია "არამეგობრული ანტირუსული პოზიცია".
უწყების თქმით, იაპონიის პარლამენტის 384-მა წევრმა სავარაუდოდ, რუსეთს "უსაფუძვლო ბრალდებები წაუყენეს".
რუსეთის საგარეო საქმეთა სამინისტროს ცნობით, რუსეთის ბოლო ნაბიჯი უკავშირდება სანქციებს, რომლებიც იაპონიამ რუსი დეპუტატების დიდი ჯგუფის მიმართ დააწესა.
