„ლელოს“ დეპუტატი, სალომე სამადაშვილი განმარტავს, თუ რატომ არ ერთვება პარლამენტში შექმნილი სამუშაო ჯგუფის მუშაობაში.

როგორც მან ჟურნალისტებს განუცხადა, ეს არის ფიქციური პროცესი.

„ქართული ოცნების“ მიერ შექმნილ ფიქციურ პროცესში, როდესაც ხელისუფლება თავს ესხმის ჩვენს დასავლელ პარტნიორებს და ღიად აცხადებს, რომ ფაქტობრივად, არ აპირებს შეასრულოს არცერთი ის კონკრეტული მოთხოვნა, რომელიც ევროკავშირის მხრიდან არის დაყენებული, ჩვენ მონაწილეობას არ მივიღებთ.

სამოქმედო გეგმას რაც შეეხება, ის კონკრეტული მიმართულებით დაიდო, კიდევ დაიდება და უფრო დაკონკრეტდება სწორედ იმ პროცესის შედეგად, რომელიც ოპოზიციამ არასამთავრობოებთან ერთად შექმნა. „ქართულ ოცნებას“ შეუძლია, ევროკავშირის რეკომენდაციები შეასრულოს ან შეუძლია გააგრძელოს ფიქციურ კომისიებში მუშაობა, თუ ეს კომისიები რაიმე რეკომენდაციებს დადებს ისეთს, რომელსაც ჩავთვლით საჭიროდ, რომ მხარი დავუჭიროთ, რა თქმა უნდა, მხარს დავუჭერთ“, - განაცხადა სამადაშვილმა.