უკრაინის თავდაცვის მინისტრის ალექსი რეზნიკოვის განცხადებით, უკრაინა ამერიკის შეერთებული შტატებისგან თავდაცვისუნარიანობის გასაძლიერებლად მალე ახალ საშუალებებს მიიღებს. ამის შესახებ რეზნიკოვმა „ტვიტერზე“ ამერიკის შეერთებული შტატების თავდაცვის მინისტრ ლოიდ ოსტინთან საუბრის შემდეგ განაცხადა.

მინისტრს არ დაუკონკრეტებია, თავდაცვის რა სახის საშუალებებს ელიან აშშ-სგან. „მოხარული ვარ, რომ ამერიკის შეერთებული შტატების თავდაცვის მინისტრი კარგი ამბებით დაგვიბრუნდა. მალე ჩვენ მივიღებთ საშუალებებს თავდაცვისუნარიანობის გასაძლიერებლად“,- განაცხადა რეზნიკოვმა.