დმანისში მრავალფუნქციური სასტუმრო კომპლექსი აშენდება
დმანისში მრავალფუნქციური სასტუმრო კომპლექსი აშენდება. ამის შესახებ ინფორმაციას ქვემო ქართლში სახელმწიფო რწმუნებულის ადმინისტრაცია ავრცელებს.
როგორც ქვემო ქართლში სახელმწიფო რწმუნებული გიორგი დოხტურიშვილი აცხადებს, მრავალფუნქციური სასტუმრო კომპლექსი მნიშვნელოვნად შეუწყობს ხელს, რეგიონში ტურიზმისა და ეკონომიკის განვითარებას.
„რაც მთავარია, გაზრდის სამუშაო ადგილებს და ხელს შეუწყობს ადგილობრივი მოსახლეობის დასაქმებას“, - აცხადებს დოხტურიშვილი.
მასშტაბური ინფრასტრუქტურული პროექტის ფარგლებში მრავალფუნქციური სასტუმრო კომპლექსი ახა გრინსი - „მწვანე სასტუმრო დედამიწაზე“ დმანისის მუნიციპალიტეტში, სოფელ ახაში აშენდება.
პროექტის ფარგლებში, სასტუმრო კომპლექსამდე გაზსადენს გაიყვანენ, რაც ხელს შეუწყობს ადგილობრივი მოსახლეობის გაზიფიცირებას. გარდა ამისა, მოცემულ ტერიტორიაზე ჩატარდება საგზაო სარეაბილიტაციო სამუშაოები და დაგეგმილია ფერმის, ხეხილის ბაღის და საკალმახე მეურნეობის მოწყობა-განვითარება.
v-if="article.gallery" v-html="article.gallery"
