გიორგი ვაშაძე - „ქართულ ოცნებასთან“ კომპრომისების ენა არ ჭრის, თავს რაც უფრო მეტად დაუხრი, მით უფრო სწრაფად გადაგივლიან - ეს უნდა იცოდეს არა მხოლოდ პრეზიდენტმა, არამედ ბევრმა ოპოზიციურმა პარტიამ

„ქართულ ოცნებასთან“ მიმართებაში კომპრომისების ენა არ ჭრის. თავს რაც უფრო მეტად დაუხრი, მით უფრო სწრაფად გადაგივლიან თავზე. ეს უნდა იცოდეს აბსოლუტურად ყველამ, არა მხოლოდ პრეზიდენტმა, არამედ მათ შორის ბევრმა ოპოზიციურმა პარტიამ, - ამის შესახებ „სტრატეგია აღმაშენებლის“ ლიდერმა, გიორგი ვაშაძემ პრეზიდენტის ადმინისტრაციის განცხადებასთან დაკავშირებით აღნიშნა, სადაც საუბარია, რომ სალომე ზურაბიშვილმა დავით ბაქრაძის გაეროში ელჩად დანიშვნას ხელი მოაწერა, თუმცა პრეზიდენტს მისი დანიშვნა მიზანშეწონილად არ მიაჩნია.

გიორგი ვაშაძის განცხადებით, დღეს ქართული დიპლომატია ეროვნული ინტერესების ნაცვლად, „ქართული ოცნების“ ინტერესებს იცავს.

„მე არ ვიცი პრეზიდენტმა ეს რატომ გააკეთა, თვითონ უნდა განმარტოს ამასთან დაკავშირებით. საერთოდ, როცა პოზიციას აირჩევ, თანმიმდევრული უნდა იყო და ბოლომდე გეჭიროს შენი პოზიცია. თუ ჩვენი მხრიდან რაიმე მხარდაჭერა, დახმარება, კოორდინაციაა საჭირო, ჩვენ მზად ვართ, რომ გავამხნეოთ და არ შეცვალოს ხოლმე პოზიცია. ზოგადად ვფიქრობ, რომ „ქართულ ოცნებასთან“ მიმართებაში კომპრომისების ენა არ ჭრის. თავს რაც უფრო მეტს დაუხრი, მით უფრო სწრაფად გადაგივლიან თავზე. ეს უნდა იცოდეს აბსოლუტურად ყველამ, არა მხოლოდ პრეზიდენტმა, არამედ მათ შორის ბევრმა ოპოზიციურმა პარტიამ.

როგორც ვიცი, ბაქრაძე ყველაზე დიდხანს ამერიკაში იყო ელჩი, რომელიც დღეს იმით დასრულდა, რომ საქართველოში გვყავს ყველაზე ანტიდასავლური ხელისუფლება, რომელიც თავს ესხმის ამერიკის შეერთებულ შტატებსა და აბსოლუტურად ყველას, ჩვენ დასავლელ პარტნიორებს და როცა ხარ ელჩი, უნდა იცავდე არა რომელიმე პარტიის ინტერესებს, რამედ სახელმწიფოს ინტერესებს. მე ვფიქრობ, რომ ზოგადად ქართულ დიპლომატიაში არის უზარმაზარი პრობლემა. დღეს ქართული დიპლომატია ეროვნულ ინტერესებს არ იცავს. დღეს ქართული დიპლომატია იცავს „ქართული ოცნების“ ინტერესებს და ვფიქრობ, რომ ყველა ამ ადამიანს, ვინც თვლის, რომ პატრიოტია, საქართველოს ხელისუფლებაში მყოფი პოლიტიკური ძალის ოლიგარქიული რეჟიმის ანტიქართულ, ანტიეროვნულ ქმედებებთან დაკავშირებით საკუთარი პოზიციის შესახებ ღიად და მკაფიოდ უნდა განაცხადონ“, - განაცხადა გიორგი ვაშაძემ.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი