უკრაინელებმა სამხრეთით მოწინააღმდეგის 60-მდე ჯარისკაცი და საბრძოლო მასალების საცავები გაანადგურეს

უკრაინის შეიარაღებულმა ძალებმა ქვეყნის სამხრეთ ნაწილში, ბოლო 24 საათის განმავლობაში, საბორნე გადასასვლელს და რუსების იარაღის კონცენტრაციის რამდენიმე ტერიტორიას დაარტყეს, - ამის შესახებ ოპერატიული სარდლობა „სამხრეთი“ იუწყება.

ჩვენმა ავიაციამ ექვსი, ხოლო სარაკეტო და საარტილერიო დანაყოფებმა 265 ზუსტი დარტყმა მიაყენეს ტერიტორიებს, სადაც კონცენტრირებული იყო იარაღი და აღჭურვილობა და ასევე პონტონურ გადასასვლელებს ნოვაია კახოვკას რაიონში.

“საბრძოლო დღის განმავლობაში მოწინააღმდეგის დანაკარგი არის : 59 რაშისტი, 3 ერთეული „ურაგანის“ მრავალჯერადი სარაკეტო გამშვები, 2 ერთეული თვითმავალი საარტილერიო დანადგარი „პიონი“, თვითმავალი ჰაუბიცა Msta-S, 3 ერთეული თვითმავალი საარტილერიო დანადგარი. ასევე განადგურდა Т-72 ტიპის ტანკი, 6 ერთეული ჯავშანმანქანა, საბრძოლო მასალის 2 საცავი ბერისლავის რაიონში და საბორნე გადასასვლელი ნოვაია კახოვკაში“, - აღნიშნულია ინფორმაციაში.

მათივე ცნობით, უკრაინელებმა მტრის ორი დრონი ჩამოაგდეს.