ფოთის ყველა საჯარო და კერძო სკოლაში საგანმანათლებლო პროცესი განახლდა. ადგილობრივი ხელისუფლების წარმომადგენლებმა სხვადასხვა სკოლის პედაგოგებს, მოსწავლეებს და მშობლებს სასწავლო წლის დაწყება პირადად მიულოცეს და წარმატებები უსურვეს. ამის შესახებ ინფორმაციას ფოთის მერია ავრცელებს.
„ძვირფასო მასწავლებლებო, მოსწავლეებო, მშობლებო - გილოცავთ ახალი სასწავლო წლის დაწყებას! გამორჩეულად ვულოცავ ცხოვრების ახალი ეტაპის დაწყებას ჩვენს პირველკლასელებს და თითოეულ პატარას, რომლებმაც ბაღის კარი დღეს პირველად შეაღეს. გისურვებთ, ახალი აკადემიური წელი ყოფილიყოს ნაყოფიერი და წარმატებებით გამორჩეული თქვენთვის”, - განაცხადა ფოთის მერმა, ბექა ვაჭარაძემ.
წელს ფოთის მუნიციპალიტეტის მასშტაბით, 653 პირველკლასელია.
