რუსეთმა, უკრაინაში განლაგებული ჯარების გასაძლიერებლად, ქალაქ ტამბოვიდან 400 პატიმარი გაგზავნა, რომლებიც სხვადასხვა დანაშაულისთვის იხდიდნენ სასჯელს, - ინფორმაციას უკრაინის შეიარაღებული ძალების გენერალური შტაბი ავრცელებს.

უწყების ცნობით, გარდა ამისა, კრასნოდარის მხარეში „ავღანელი მეომრების“ საზოგადოებრივ ორგანიზაციებს დაევალათ ადგილობრივი მოსახლეობისგან ფულის შეგროვება მოხალისეთა რეგიონალური ბატალიონისთვის თბილი ტანსაცმლის შესაძენად.

უკრაინის შეიარაღებული ძალების გენერალური შტაბის ინფორმაციით, რუსულმა ძალებმა, გასული დღის განმავლობაში უკრაინის ტერიტორიაზე 3 სარაკეტო და 22 ავია დარტყმა განახორციელეს, რის შედეგადაც 30-ზე მეტი დასახლებული პუნქტის ინფრასტრუქტურა დაზიანდა.