ქართული პრესის მიმოხილვა 28.09.2022

პუტინის ორი ფრონტი და „დედების რევოლუცია“ - ჩრდილოთ კავკასია შეიძლება ნებისმიერ წუთს აფეთქდეს

„ენმ-ს დაშლის შემთხვევაში ახალი კონფიგურაცია გაჩნდება, რომელიც შეიძლება უფრო ეფექტური იყოს“, - საყვარელიძე

­

***

პუტინის ორი ფრონტი და „დედების რევოლუცია“ - ჩრდილოთ კავკასია შეიძლება ნებისმიერ წუთს აფეთქდეს

“რუსეთი დიდი დაპირისპირების და ქაოსის ზღვარზეა. 21 სექტემბერს ვლადიმერ პუტინის მიერ გამოცხადებული ნაწილობირივი მობილიზაციის შემდეგ, ვინც მოახერხა ქვეყნიდან გარბის, ხოლო ვინც გაქცევა ვერ შეძლო, პროტესტს ქუჩაში გამოსვლით გამოხატავს. განსაკუთრებული დუღილი ჩრდილოეთ კავკასიაში იგრძნობა. დაღესტანში უკვე 3 დღეა მოსახლეობა ქუჩაში გამოდის და პუტინის მიერ გამოცხადებულ მობილიზაციას ამ ფორმით აპროტესტებს. მახაჩყალაში მოსახლეობა მობილიზაციის წინააღმდეგ გამოვიდა და ისინი ომში ახალგაზრდების გაწვევას აპროტესტებენ. წესრიგის დასაცავად ქალაქში შეყვანილია „როსგვარდიის“ ნაწილები”, - წერს გაზეთი „რეზონანსი“ სტატიაში სათაურით, პუტინის ორი ფრონტი და „დედების რევოლუცია“ - ჩრდილოთ კავკასია შეიძლება ნებისმიერ წუთს აფეთქდეს

„ტელეგრამ არხი „ადატი“ იუწყება, რომ პროტესტმა მთელი დაღესტანი მოიცვა. აქციების მონაწილი 100-მდე პირი პოლიციამ დააკავა. პოლიციის თანამშრომლები აქციის მონაწილე ახალგაზრდებს ხელკეტებითა და ელექტროშოკებით უსწორდებოდნენ. პროტესტი განსაკუთრებით მასობრივი მახაჩყალაში აღმოჩნდა. ქალები იმ ავტომობილებს წინ უდგებოდნენ, სადაც მათში შვილები, ქმრები ან ძმები პოლიციას დაკავებული ჰყავდა და გადაადგილების საშუალებას არ აძლევდნენ. ანალიტიკოსები „რეზონანსთან“ ამბობენ, რომ მალე სიტუაცია პრეზიდენტ ვლადიმირპუტინისთვის როგორც ქვეყნის შიგნით, ასევე უკრაინის ომში უფრო დრამატულად განვითარდება. მათი თქმით, განსაკუთრებული პრობლემები მას ჩრდილო კავკასიაში შეექმნება. დაღესტნელების პორტესტი შესაძლოა უფრო მზარდი გახდეს და კონფლიქტი რუსეთთან ნაციონალურ ჭრილშიც კი გადაიზარდოს. ეს კი კავკასიაში შიდა ომსა და სურლ ქაოსს გამოიწვევს”, - აღნიშნავს გამოცემა.

„ყოფილი სახელმწიფო მინისტრი პაატა ზაქარეიშვილი „რეზონანსთან“ ამბობს, რომ ახლა ვლადიმირ პუტინს ორი ფრონტი აქვს გახსნილი - ერთი ქვეყნის შიგნით მობილიზაციის გამოცხადების შემდეგდა მეორე უკრაინაში. მისივე თქმით, კრემლიგასაკუთრებულპროტესტსა და შიდა დაპირისპირებას ჩრდილოეთ კავკასიაში უნდა ელდოს. ყოფილი მინისტრი მიიჩნევს, რომ ყველაზე დიდი პორბლემები დაღესტანში გაჩნდება, რადგანაც აქ ბევრი ეთნიკური ჯგუფი ცხვრობს, შიდა დაპირიპირებაც არსებობს და კრემლის დანაშაულებრივი გადაწყვეტილება ამ შიდა კონფლიქტს კიდევ უფრო აღვივებს. ის არ გამორიცხავს, რომ ჯარში იძულებით წაყვანილმა რეზერვისტებმა უკრაინის მხარეს გადასვლა, ან საკუთარი მეთაურების დახოცვა დაიწყონ. „ეს დაპირისპირება და უკმაყოფილება კიდევ უფრო გაიზრდება. ყველაზე დიდი საფრთხე კი ჩრდილოეთ კავკასიის მიმართულებით არსებობს. ჩვენ დავინახეთ ბოლო დღეების განმავლობაში, რომ აქ პროტესტი ყველაზე მძლავრია. ამის მიზეზი კი შიდა კლანებს და ეთნიკურ ჯგუფებს შორის დაპირისპირებაა. „ამ ყველაფერს თან კრემლის უსამართლო გადაწყვეტილება დაერთო. დაღესტნიდან ისედაც ბევრი ახალგაზრდა წავიდა საომრად და უკვე ბევრი მიცვალებული ჩამოასვენეს. ამიტმაც მათ კარგად იციან, რომ პუტინი არ დაინდობს და ყველაზე დიდი დაწოლა მათზე იქნება. „საშიში ისაა, რომ იქ თუ ერთი ტყვია მაინც გავარდა, პროცესები უმართავი გახდება. რუსები ამ ხალხს ისედაც ძლივს აკავებს. ეს კი ჩვენთვის ყველაზე სახიფათო სიტუაციას ქმნის. კავკასიაში შიდა ომები დაიწყება. აქ ყველა ყველას ემტერება. ამის საფუძველზე კი ჩვენთან მიგრაცია გაიზრდება. ეს დამატებით პრობლემებს უქმნისჩვენს ქვეყანას. ამიტომაც არის, რომ დასავლეთი ცდილობს რუსეთის დამარცხება უკრაინის ომში სწრაფა არ მოხდეს, რადგან რუსეთის დაშლა არც მათ აწყობთ. „დაპირისპირების ტალყა რუსეთში ყოველდღიურად გაიზრდება. განსაკუთრებით მაშინ, როცა დაახლოებით ერთ თვეში რეზერვისტების ცხედრებს სახლებში მიასვენებენ. ტახტზე წამოწოლილი რუსებისთვის პუტინის გადაწყვეტილებები მისაღები იყო, მაგრამ ომი როგორც კი მათ უშაულოდ შეეხოთ, პროტესტი გაჩნდა. ამიტომ რუსეთში დაპირისპირება და მისი დაშლა ჩვენთვის კატასტროფა იქნება. „აუცილებელია, რომ ჩვენს ხელისუფლებას რაიმე კონკრეტული პოლიტიკა და გეგმა ჰქონდეს ჩამოყალიბებული. კავკასიაში თუ ომი დაიწყო, აქ ძაღლი პატრონს ვერ იცნობს. ჩვენ კიდევ ვდგავართ და ხან მარცხნივ ვიყურებთ და ხან მარჯვნივ. საფრხეს ვერ ვაანალიზებთ“,-ამბობს ზაქარეიშვილი „რეზონანსთან“, - განაგრძობს გამოცემა.

„მისივე თქმით, ვლადიმირ პუტინმა განკარგულების გამოცემის თანავე საზღვარი იმიტომ არ ჩაკეტა, რომ ეს ორთქლის გამოშვებისთვის იყო საჭირო. ის რადიკალურად განწყობილ მოსახლეობას, რომელსაც ომში წასვლა არ სურს და მის გადაწყვეტილებას ეწინააღმდეგება, ქვეყნიდან გასვლის საშუალებას აძლევს. ამით საპროტესტო აგრესიულ მუხტს იშორებს და ფიქრობს, ქვეყანაში დარჩენილებს უფრო ადვილად გააკონტროლებს. „რუსებს ეგონათ, რომ უკრაინაში ომი მხოლოდ პუტინის საქმე იყო. ფიქრობდნენ- თავში ქვა უხლია... თუ ჩვენ არ შეგვეხება, სადაც უნდა იქ იომოსო. თუმცა აღმოჩნდა, რომ ასე არ ყოფილა და მათაც ეხებათ ომი, რომელიც არავის არაფერში სჭირდება. „რუსებისთვის 24 თებერვალი ახლა დაიწყო. ომის მძიმე ხელი სახეში ისე მწარედ მოხვდათ, რომ პანიკაში არიან. აქამდე არც ადარდებდათ ეს ომი თუ ე.წ. სპეცოპერაცია სად მიდიოდა. ასეთი ბუნების ხალხია - სანამ რამე მათ არ შეეხებათ, მანამდე ვერ ხვდებიან რა ხდება. „პუტინი ამის შემდეგ რასაც უნდა იმას გააკეთებს. ეს ნაწილობირივი მობილიზაციაც ბლეფი იყო. არადა რეალურად ყველას ომში იწვევენ. „საზღვრების მაშინვე არჩაკეტვა მოსახლეობისთვის ორთქლის გამოშვების მიცემის საშუალება იყო. ყველაზე აგრესიულების ქვეყნიდან მოშორება უნდოდა, თუმცა აღმოჩნდა, რომ ბევრნი არიან და ყველა მიდის. უკვე ამაზე შეშფოთდა, ამიტომაც ველი რომ ჩაკეტავს. „ჩვენს ხელისუფლებას ვურჩევ არ ჩაკეტოს საზღვარი და ამ შემთხვევაში მათ გადაწყვეტილებას ვემხრობი. ეს ჩვენი მხრიდან მაინც ჰუმანიტარული აქტია. რაც არ უნდა პუტინისტები იყვნენ ეს ადამიანები, ადამიანის უფლებების მხრივ ჩვენს მოწოდების სიმაღლეზე უნდა ვიდგეთ. ადამიანს, რომელსაც კაცის კვლა არ უნდა და დახმარებას გთხოვს, ხელი არ უნდა ჰკრა. თუმცა, ქვეყანაში მათი კონტორლი და ფილტრაციაა საჭირო“, - ამბობს ზაქარეიშვილი „რეზონანსთან“, - დასძენს გამოცემა.

„როგორც პოლკოვნიკი აკია ბარბაქაძე „რეზონანსთან“ ამბობს, ამ მობილიზაციამ გვაჩვენა, რომ რუსების დიდი ნაწილი ამ ომს მხარს არ უჭერს. ტახტზე კომპიუტერთან წამოწოლილი რუსები ამ ომს როგორც სერიალს ის უყურებდნენ და პუტინს მოსახლეობის 70% მხარს უჭერდა. შესაბამისად, იქმნებოდა ილუზია რომ ხალხი ომის მომხრეა. „ამ მობილიზაციამ დაგვანახა, რომ რეალურად რუსები ომის მომხრეები არ არიან და პუტინმა დამატებით მეორე ფრონტი საკუთარ ქვეყანაში, საკუთარ ხალხს გაუხსნა. აღმოჩნდა ასევე, რომ თვითმმართველობებში დიდი რობლემები აქვთ. ნაციონალურ ავტონომიებში შესაძლოა სიტუაცია ისე დაიძაბოს, რომ საპროტესტო მუხტი ერთ დიდ აფეთქებაში გადაიზარდოს. „ამან ჩრდილოეთ კავკასიაში თვითგამორკვევის და ეროვნული იდენტობის გაძლიერების პროცესი გამოწივია. გამოდის, რომ დაღესტანში რუსეთს დედების რევოლუცია ემუქრებათ, რომლებიც, პუტინის კაპრიზების გამო, შვილების სასიკვდილოდ ომში გაშვებას არ აპირებენ. ისინი მიიჩნევენ, რომ რუსეთთან და რუსებთან საკუთარი შვილების სიცოცხლით ვალში არ არიან. „გარდა ამისა, ვნახეთ ახალწვეული ბიჭი კომისარიატის ხელმძრვანელს სასიკვდილოდ როგორ იმეტებს. ასევე კომისარიატის შენობებზე თავდასხმები ე.წ. მოლოტოვის კოქტეილებით მოხდა. ეს უბრალოდ დასაწყისია. სიტუაცია კიდევ უფრომძიმე და უმართავი გახდება. ეს იმას ნიშნავს, რომ პუტინს ომი საკუთარმა მოსახლეობამ გამოუცხადა. „ცხინვალის და აფხაზეთის რეგიონებში ვნახეთ რა განწყობებიც არის. ისინი ამბობენ, რომ საკმაოდ გაიღეს რუსებისთვის სიხლი და მათი არაფერი მართებთ. ეს ნაციონალური განწყობები კიდევ უფორ გამძაფრდება.პუტინს პირდაპირ ეუბნებიან, რომ „ჩვენ ეს ომი არ გვაინტერესებს, შენ, როგორც მკვლელს, არ გემორჩილებით“, - ამბობს პოლკოვნიკი ბარბაქაძე „რეზონანსთან“, - წერს სტატიის ავტორი.

„ენმ-ს დაშლის შემთხვევაში ახალი კონფიგურაცია გაჩნდება, რომელიც შეიძლება უფრო ეფექტური იყოს“, - საყვარელიძე

„ქართულ ოცნებაში" ფიქრობენ, რომ „ნაციონალური მოძრაობის" შიგნით მიმდინარე დაპირისპირება პოლიტიკური სისტემის გაჯანსაღებისათვის ძალიან კარგია და რაც უფრო დასუსტდება „ნაცმოძრაობა", პოლიტიკური სისტემის გაჯანსაღებისა და დეპოლარიზაციისთვის მით უკეთესი იქნება. ექსპერტი ვახტანგ საყვარელიძე „რეზონანსთან" ამბობს, რომ ენმ-ს დაშლის შემთხვევაში შეიძლება გაძლიერდეს სხვა წვრილი ოპოზიციური პარტიები რომლებზეც „ნაცმოძრეობის" წევრთა და მხარდამჭერთა ნაწილი გადანაწილდება, რაც ოპოზიციაში ახალი კონფიგურაციას გააჩენს”, - წერს გაზეთი „რეზონანსი“ სტატიაში სათაურით, „ენმ-ს დაშლის შემთხვევაში ახალი კონფიგურაცია გაჩნდება, რომელიც შეიძლება უფრო ეფექტური იყოს“, - საყვარელიძე

„მმართველი პარტიის თავმჯდომარე ირაკლი კობახიძემ განაცხადა, რომ „ქართული ოცნება" ენმ-ში მიმდინარე პროცესს გარედან აკვირდება და „მასში ჩარევისა და ხელგასვრილი ადამიანებით ხელის გასვრის არავითარი ინტერესი არ გააჩნია". „პოლარიზაციამ, რომელიც „ნაციონალურ მოძრაობას" პოლიტიკურ სისტემაში შემოჰქონდა, „ნაციონალური მოძრაობის" შიგნით გადაინაცვლა, რაც, ბუნებრივია, არის ძალიან კარგი. „ნაციონალურ მოძრაობაში" არის შიდა დინებები, არის უამრავი კერძო ინტერესი და არის ოლიგარქების ინტერესები. „ბოლო დღეებში განსაკუთრებით ერთ-ერთი ოლიგარქის, დავით კეზერაშვილის ინტერესების გამოიკვეთა. არის კიდევ მეორე ოლიგარქის - მიხეილ სააკაშვილის ინტერესები, რომელიც ცალკე იკვეთება. არის ამ ინტერესების დაპირისპირება, რაც ძალიან კარგია. ეს ხელს შეუწყობს პოლიტიკური სისტემის გაჯანსაღებას - რაც უფრო სუსტია „ნაცმოძრაობა", მით უფრო ძლიერია საქართველოში პოლიტიკური სისტემა და მით უფრო დაბალია პოლარიზაციის ხარისხი. „ამ ეტაპზე კეზერაშვილი არის რადიკალური ოპოზიციის მთავარი ფინანსური დონორი, რომელმაც გადაწყვიტა ნიკა მელიას გვერდის ავლით „ნაციონალურ მოძრაობასთან" დაკავშირებული პირებისა და ორგანიზაციების დაფინანსება, რაც პარტიის შიგნით დაპირისპირების მიზეზი გახდა. ეს ყველაფერი აჩვენებს, რომ დეოლიგარქიზაცია არის საქართველოს მთავარი გამოწვევა და პოლიტიკური პროცესიდან ოლიგარქების ჩამოცილება არის ის, რასაც ჩვენ უნდა მივაღწიოთ - ამ კუთხით ევროკავშირის რეკომენდაცია ძალიან მნიშვნელოვანია", - განაცხადა ირაკლი კობახიძემ, - აღნიშნავს გამოცემა.

„ნაციონალური მიძრაობა" დიდი ხანია დასუსტებულია. ბევრი წელია ვერ ახერხებენ არჩევნებში გამარჯვებას. ამაზე მეტი რაღა უნდა დასუსტდეს? მაგრამ, თუ შიდა დაპირისპირებაზეა საუბარი, ეს ფაქტი მათ რეიტინგს კიდევ უფრო დაბლა დასწევს. „ენმ აღარ არის პროდუქტიული, მაგრამ შესაძლოა გაჩნდეს ახალი კონფიგურაცია, რომელიც აღმოჩნდება უფრო ეფექტური. იქნებ ამ შემთხვევაში მაინც წარიმარტოს ჯანსაღი პოლიტიკური კონკურენცია. „ამასთან, პარტიის დაშლის შემთხვევაში, დიდი ალბათობით, მისი წევრები იმ პარტიებში გადავლენ, რომლებიც ერთ დროს „ნაციონალურ მოძრაობასთან" იყვნენ კავშირში. ასეთია რამოდენიმე პოლიტიკური ჯგუფი, მაგრამ ნამდვილად არ ვიცი რომელში მოხდება გადანაწილება", - განაცხადა საყვარელიძემ, - დასძენს გამოცემა.

„კითხვაზე, კარგავს თუ არა „ნაციონალური მოძრაობა" მხარდამჭერებს, ექსპერტის პასუხია, რომ პარტიის რეიტინგი შედარებით მაღალი უშუალოდ მიხეილ სააკაშვილის მხარდამჭერთა ხარჯზე იყო, ახლა კი საგრძნობლად იკლებს. „ენმ-ის მხარდამჭერთა დიდი ნაწილი მიხეილ სააკაშვილის მომხრეებისგან შედგება. ამას გვაფიქრებინებს თავად ფაქტები და ბევრი აღიარებს კიდეც. ამიტომ სავარაუდოა, რომ მხარდამჭერთა დიდი ნაწილი იმ პოლიტკურ პარტიას დარჩება, რომლისთვისაც აქტუალური იქნება მესამე პრეზიდენტის საკითხი. „მიუხედავად ყველაფრისა, ჩემი პროგნოზია, რომ შიდა დაპირისპირებების გამო მკვეთრად დაეცემა ენმ-ის რეიტინგი და შესაძლოა ახლო მომავალში დაიშალოს კიდეც. ამისგან არცერთი პარტია არ არის დაზღვეული, მით უფრო ენმ, რომელმაც საკმაოდ დიდხანს გაძლო ქართულ პოლიტიკურ სპექტრში", - განაცხადა საყვარელიძემ „რეზონანსთან", - წერს სტატიის ავტორი.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 05.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება