ფინანსთა მინისტრი - 2023 წლის ბიუჯეტი ითვალისწინებს საჯარო სექტორში ხელფასების 10%-იან ზრდას

2023 წლის ბიუჯეტი ითვალისწინებს საჯარო სექტორში ხელფასების 10%-იან ზრდას, - ამის შესახებ ფინანსთა მინისტრმა, ლაშა ხუციშვილმა პარლამენტში 2023 წლის ბიუჯეტის პროექტის წარდგენისას განაცხადა.

მან საჯარო სექტორში სახელფასო პოლიტიკის მოწესრიგების აუცილებლობაზე ისაუბრა და განმარტა, რომ 2017 წლამდე, საჯარო სექტორში საშუალო ხელფასი კერძო სექტორში არსებული საშუალო ხელფასის 90 პროცენტის ფარგლებში იყო.

„ამ თემაზე 2022 წლის ბიუჯეტის განხილვის დროსაც ვსაუბრობდი, თუმცა მინდა კიდევ ერთხელ, მოგაწოდოთ განახლებული მონაცემები.

2017 წლამდე, საჯარო სექტორში საშუალო ხელფასი კერძო სექტორში არსებული საშუალო ხელფასის 90 პროცენტის ფარგლებში იყო. 2017 წლიდან მნიშვნელოვნად შეიზღუდა ხელფასების ზრდა და შედეგად, 2021 წლის ფაქტიური მაჩვენებლების მიხედვით, საჯარო სექტორში საშუალო ხელფასი კერძო სექტორში არსებულ საშუალო ხელფასის 80 პროცენტზე ნაკლები შეადგინა.

მიუხედავად იმისა, რომ 2022 წელს ჩვენ საბაზო ხელფასის 10%-იანი ზრდა გავითვალისწინეთ, კერძო სექტორში ხელფასების ზრდა გაცილებით მაღალი იყო და მეორე კვარტლის მონაცემებით, თანაფარდობა საჯარო და კერძო სექტორს შორის კიდევ უფრო გაიზარდა საჯარო სექტორში საშუალო ხელფასი კერძო სექტორში არსებულის 75 პროცენტზე ნაკლებ ნიშნულზე ჩამოვიდა. ყოველივე აღნიშნულიდან ნათელია, რომ სახელფასო პოლიტიკას სჭირდება საკანონმდებლო რეგულაცია, წინააღმდეგ შემთხვევაში, შეუძლებელი იქნება საჯარო სექტორში კვალიფიციური კადრების შენარჩუნება, რაც საბოლოოდ, სახელმწიფო სერვისების და ვალდებულებების შესრულებაზე ნეგატიურად აისახება და ჩამოყალიბდება არაეფექტური საჯარო სექტორი“, - აღნიშნა ფინანსთა მინისტრმა.

მისი თქმით, ზემოაღნიშნულის გათვალისწიებით, 2023 წლის ბიუჯეტი ითვალისწინებს საჯარო სექტორში ხელფასების 10%-იან ზრდას (გარდა ჯარისკაცებისა და პოლიციელებისა, სადაც ხელფასების 20%-იანი ზრდა გვაქვს).

როგორც მან აღნიშნა, ბიუჯეტთან ერთად, წარმოდგენილია შრომის ანაზღაურების მარეგულირებელი კანონმდებლობის ცვლილება, რომლის მიხედვითაც მომდევნო წლებში საჯარო სექტორში ხელფასების ზრდა, დაკავშირებული იქნება კერძო სექტორში ხელფასების ზრდასთან. ამასთან, კანონი განსაზღვრავს, რომ საჯარო სექტორში საშუალო ხელფასმა არ უნდა გადააჭარბოს კერძო სექტორში არსებული საშუალო ხელფასის 90 პროცენტს.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 08.12.2022
„ნიკორამ“ 35 მლნ ლარის ობლიგაციები წარმატებით განათავსა - კომპანია მიღებული ფინანსური რესურსის გამოყენების შესახებ
VELI.store უკვე 1 წლისაა
ლიბერთი უმაღლეს სასწავლებელთა შორის დაპროგრამებაში მსოფლიო ჩემპიონატის (ICPC) სტრატეგიული პარტნიორია
„ლიბერთის“ ლოიალობის პროგრამას CashBack Dressup ჯგუფი შემოუერთდა
„ხალიკ ბანკი საქართველო“ ფიზიკურ პირებს განახლებულ ინტერნეტ ბანკს სთავაზობს
ბაზისბანკი კაპიტალს 27 მილიონი ლარით ზრდის
როგორ ჩაიარა წელს ზამთრის ყველაზე ჯადოსნურმა გამოფენამ, რომელსაც ქალთა საერთაშორისო ასოციაცია დაარსების დღიდან, ყოველწლიურად აწყობს
შეიძინე კერძო სახლი საუკეთესო შეთავაზებით
იშოპინგე VELI.store-ზე და დახარჯე შენი დრო შენთვის
შეუდარებელი „ბოტანიკო“ საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ