ოპოზიციურმა პარტიებმა, სამოქალაქო სექტორმა, ექსპერტებმა და პროფესიულმა ჯგუფებმა მართლმსაჯულების რეფორმის ერთიანი რეკომენდაციები წარადგინეს

ოპოზიციურმა პარტიებმა, სამოქალაქო სექტორმა, ექსპერტებმა და პროფესიულმა ჯგუფებმა მართლმსაჯულების რეფორმის ერთიანი რეკომენდაციები წარადგინეს. ღონისძიებას საქართველოს პრეზიდენტი სალომე ზურაბიშვილიც ესწრებოდა.

როგორც „მართლმსაჯულების სახლის” დამფუძნებელმა და ხელმძღვანელმა ეკა ბესელიამ ღონისძიებაზე განაცხადა, ახლა „ქართული ოცნება“ ცალკე რჩება.

„დღეს ყველაზე მნიშვნელოვანი რამ შევძელით. როგორც საპარლამენტო, ასევე არასაპარლამენტო პოლიტიკურმა პარტიებმა, სამოქალაქო სექტორმა, ექსპერტებმა, პროფესიულმა ჯგუფებმა და ყველამ ვინც მართლმსაჯულების თემაზე ვმუშაობთ, ერთიანი რეკომენდაციები წარვადგინეთ. ამას დასჭირდა ბოლო სამი თვის მუშაობა, მაგრამ შევძელით ჩვენ, რომ მთავარ ფუნდამენტურ საკითხზე ვთქვით, რომ ეს არის საერთო ხედვა და ერთიანი რეკომენდაციები. საქართველოს პარლამენტმა, მმართველმა პარტიამ უბრალოდ აიღოს ეს რეკომენდაციები და დადოს როგორც სახელმძღვანელო დოკუმენტი იმისთვის, რომ ევროკავშირის დღის წესრიგის მთავარი პუნქტები შესრულდეს. ეს სჭირდება ამ დღის წესრიგსაც და შიდა პოლიტიკური პროცესის დამშვიდებასა და მათ შორის, პოლიტიკური მართლმსაჯულების დასრულებასაც, რადგან ამ რეფორმის გარეშე წარმოუდგენელია სხვა წარმატებულ რეფორმაზე ვილაპარაკოთ... მნიშვნელოვანი იყო პრეზიდენტის მონაწილეობა და ყოფნა ამ საერთო ხედვის წარდგენის დროს, ეს ძალიან მნიშვნელოვანი გზავნილია, რომ ცალკე რჩება "ქართული ოცნება" და უბრალოდ მან უნდა გასცეს ახლა პასუხი რატომ შეიძლება არ გაიზიაროს ეს საერთო შეჯერებული პოზიცია“, - განაცხადა ეკა ბესელიამ.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ