ოლექსი რეზნიკოვი ესპანეთში გაგზავნილ სახიფათო წერილებზე - ტერორს საზღვრები არ აქვს - რუსეთი ტერორის განსახორციელებლად ტერორისტულ საშუალებებს იყენებს
უკრაინის თავდაცვის მინისტრის, ოლექსი რეზნიკოვის შეფასებით, მადრიდში უკრაინის საელჩოს ტერიტორიაზე მომხდარი აფეთქებისა და ესპანეთში გაგზავნილი სახიფათო წერილების უკან რუსეთის ფედერაცია დგას.
რეზნიკოვმა ესპანეთის თავდაცვის მინისტრთან, მარგარიტა რობლესთან ერთობლივ ბრიფინგზე განაცხადა, რომ რუსეთი ტერორის გასავრცელებლად ტერორისტულ საშუალებებს იყენებს.
"მსოფლიო იწყებს აღიარებას, რომ ეს არის ტერორისტული სახელმწიფო. ტერორს არ აქვს საზღვრები. დღეს ქალბატონმა მინისტრმა ისაუბრა ასაფეთქებელი წერილების შესახებ, რომლებსაც ესპანეთში ღებულობენ- ისინი იყენებენ ტერორისტულ საშუალებებს ტერორის განსახორციელებლად. ისინი ცდილობენ, გაუთიშონ უკრაინას წყალმომარაგება, ელექტროენერგია, რომ სიცივესა და სიბნელეში ვიყოთ. ეს ნიშნავს, რომ ეს გამოწვევაა მთელი მსოფლიოსთვის", - განმარტა რეზნიკოვმა.
შეგახსენებთ, ესპანეთში, უკრაინის საელჩოში ფოსტით გაგზავნილი ბომბიანი კონვერტი აფეთქდა, რის შედეგადაც ერთი ადამიანი დაშავდა. ანალოგიური გზავნილები გაუგზავნეს ესპანეთის პრემიერ-მინისტრს, თავდაცვის სამინისტროს, იარაღის მწარმოებელ კომპანიას სარაგოსაში, რომელიც კიევისთვის სარაკეტო გამშვებებს აწარმოებს და ესპანეთის დედაქალაქის მახლობლად მდებარე სამხედრო ავიაბაზას.
v-if="article.gallery" v-html="article.gallery"
