გიორგი ვაშაძე - ხალხის აქტიურობის გარეშე მიხეილ სააკაშვილის სიცოცხლის გადარჩენა ძალიან რთული იქნება - აუცილებელია ქუჩის პროტესტი
პირდაპირ გეტყვით - ხალხის აქტიურობის გარეშე მიხეილ სააკაშვილის სიცოცხლის გადარჩენა ძალიან რთული იქნება - ვფიქრობ, აუცილებელია ქუჩის პროტესტი, - აღნიშნული განცხადება პარლამენტში „სტრატეგია აღმაშენებლის“ ლიდერმა გიორგი ვაშაძემ გააკეთა.
ვაშაძის შეფასებით, „ქართულმა ოცნებამ“ კლინიკა „ვივამედში“ მყოფი მიხეილ სააკაშვილის კადრების გავრცელებით კანონსაწინააღმდეგო ქმედება ჩაიდინა, რაზეც პასუხს მიიღებენ.
„საზოგადოებისგან იყო ბუნებრივი რეაქცია - ასეთი დამონტაჟებული კადრების ჩვენება არის ადამიანის წამება. როცა ხელისუფლება ასეთ რამეს აკეთებს, ის ამისთვის დაისჯება - ეს არის სისხლის სამართლის დანაშაული! ადვოკატს, რომელიც კადრების გადაცემას ითხოვდა, ეუბნებოდნენ, რომ კადრები წაშლილი იყო და იმ წაშლილი კადრებიდან, აპრილიდან მოყოლებული დეკემბრის ჩათვლით დამონტაჟებული, სპეკულაციური მასალა გაავრცელეს, რაზეც “ქართული ოცნება“ ცხვირში მიიღებს“, - განაცხადა გიორგი ვაშაძემ.
v-if="article.gallery" v-html="article.gallery"
