გამოკითხვის შედეგებით, ყველაზე მიუკერძოებელი და ობიექტური ტელევიზიები „იმედი“, „პალიტრანიუსი“ და „საზოგადოებრივი მაუწყებელი“ არიან

საინფორმაციო ვებ-გვერდებზე: ipn.ge, bpn.ge, ambebi.ge და kvirispalitra.ge-ზე ჩატარებული გამოკითხვის შედეგების მიხედვით, მკითხველთა შეფასებით, ყველაზე მიუკერძოებელი და ობიექტური ტელევიზიები „იმედი“, „პალიტრანიუსი“ და „საზოგადოებრივი მაუწყებელი“ არიან.

გამოკითხვაში მონაწილეობა 11 057-მა მკითხველმა მიიღო. ის 19 დეკემბერს დაიწყო და 21 დეკემბერს დასრულდა.

უფრო კონკრეტულად, შეკითხვაზე: „თქვენი აზრით, რომელი ტელევიზიაა მიუკერძოებელი და ობიექტური?“, მკითხველთა პასუხები ასე გადანაწილდა:

იმედი - 24 %

პალიტრანიუსი - 20 %

საზოგადოებრივი მაუწყებელი - 19 %

მთავარი არხი - 11 %

რუსთავი 2 – 7 %

TV პირველი - 6 %

ფორმულა - 5 %

PostTv – 4 %

კავკასია - 4 %

რაც შეეხება კითხვას: „რა სახის სატელევიზიო გადაცემას უყურებთ ყველაზე ხშირად?“, მონაცემები შემდეგნაირია:

ახალი ამბები - 52 %

გასართობი შოუ-პროგრამა - 28 %

პოლიტიკური თოქ-შოუ - 14 %

სერიალი - 6 %

გარდა ამისა, კიდევ ერთ კითხვაზე: „ყველაზე მეტად რისთვის უყურებთ ტელევიზიას?“, მკითხველების პოზიციაა:

ინფორმაციის მისაღებად - 54 %

გასართობად - 18 %

მოვლენების ანალიზის მოსასმენად - 14 %

დროის გასაყვანად - 14 %