გიული ალასანია მიხეილ სააკაშვილის ჯანმრთელობის მდგომარეობაზე - რას ნიშნავს, ხელისუფლება სხვანაირად აფასებს, როგორ აფასებს, ხელისუფლება ვინ არის საერთოდ? არიან ექიმები!

მიხეილ სააკაშვილის ჯანმრთელობაზეა ლაპარაკი და ეს უნდა იყოს ობიექტური. რას ნიშნავს, ხელისუფლება სხვანაირად აფასებს, როგორ აფასებს, ხელისუფლება ვინ არის საერთოდ? არიან ექიმები! - ამის შესახებ მესამე პრეზიდენტის დედამ, გიული ალასანიამ თბილისის საქალაქო სასამართლოში განაცხადა, როდესაც უპასუხა შეკითხვას, როგორ შეაფასებდა ხელისუფლების წევრების განცხადებებს, რომელიც მათ სააკაშვილის მდგომარეობის შესახებ დღეს გააკეთეს.

გიული ალასანიას თქმით, ჯანმრთელობის გაყოფა იმის მიხედვით, თუ როგორ აფასებს ოპოზიცია და ხელისუფლება, სწორი არ არის.

„მის ჯანმრთელობაზეა ლაპარაკი და ეს უნდა იყოს ობიექტური. რას ნიშნავს, ხელისუფლება სხვანაირად აფასებს, როგორ აფასებს, ხელისუფლება ვინ არის საერთოდ? არიან ექიმები! ექიმების დიაგნოზებზეა ეს ყველაფერი დამყარებული და ხელისუფლებაში ვინ არის ექიმი, მე აღარ ვიცი უკვე“, - აცხადებს ალასანია.

მისი თქმით, მიხეილ სააკაშვილს დღევანდელ პროცესზე, როდესაც დისტანციურად ერთვებოდა, უკრაინულ ენაზე მიმართვის საშუალება არ მიეცა.

„მიხეილმა გადაწყვიტა, რომ უკრაინულ ენაზე მიემართა. უკრაინის მოქალაქეა ჩემი შვილი დღეს და უკრაინა იბრძვის, მათი პრეზიდენტი კი, ამერიკაშია ჩასული. მნიშვნელოვანი მომენტია და ალბათ, უნდოდა, რომ რაღაც ორი სიტყვა ეთქვა. ეს აუკრძალეს. მე დავინახე, რომ ეკრანი გათიშეს, მას შემდეგ, რაც მან უკრაინულ ენაზე მოინდომა ლაპარაკი. მერე რა მოხდა, არ ვიცი“, - განაცხადა გიული ალასანიამ.

მისი თქმით, მნიშვნელოვანია ის ინფორმაცია, რასაც ექსპერტი სასამართლოს აწვდის.

„ადამიანი ამერიკიდან საგანგებოდ ჩამოვიდა მეორედ. ერთხელ იყო ჩამოსული. 200-ზე მეტი ტესტი ჩაუტარა, ძალიან დიდი დრო გაატარა ჩემ შვილთან, როდესაც ჩამოსული იყო გასასინჯად. ამას გარდა კიდევ ჩამოვიდა“, - განაცხადა გიული ალასანიამ და აღნიშნა, რომ ექსპერტმა ძალიან სერიოზული დიაგნოზები დასვა.

მისი თქმით, ამიტომაც ადვოკატმა მნიშვნელოვნად ჩათვალა აღნიშნული ექსპერტი დაეკითხა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024