ნინო ბურჯანაძე - სალომე ზურაბიშვილი აშკარად გაბრაზებული იყო, მაგრამ ბიძინა ივანიშვილის სახელი დღესაც არ უხსენებია - ვეჭვობ, იმაზე შორს ვერ წავიდეს, ვიდრე განცხადებებია

დღეს სალომე ზურაბიშვილი აშკარად გაბრაზებული იყო, მაგრამ ბიძინა ივანიშვილის სახელი დღესაც არ უხსენებია - ვეჭვობ იმაზე შორს ვერ წავიდეს, ვიდრე ამ ტიპის განცხადებებია, - ამის შესახებ „ერთიანი საქართველოს“ ლიდერმა, ნინო ბურჯანაძემ „პალიტრანიუსის“ გადაცემა „360 გრადუსში“ განაცხადა, რითაც პრეზიდენტის მიერ ბრიფინგზე დღეს გაჟღერებული განცხადებები შეაფასა.

როგორც ბურჯანაძე აღნიშნავს, ხშირად სალომე ზურაბიშვილი სწორ განცხადებებს აკეთებს, მაგრამ უმეტეს შემთხვევაში რაღაც ეტაპზე ჩერდება, ან მის განცხადებებს რეალური ნაბიჯი არ მოჰყვება.

„რამდენად შორს წავა ეს დაპირისპირება, ძნელი სათქმელია. ხშირად სალომე ზურაბიშვილი სწორ განცხადებებს აკეთებს, მაგრამ უმეტეს შემთხვევაში რაღაც ეტაპზე ჩერდება, ან მის განცხადებებს რეალური ნაბიჯი არ მოჰყვება ხოლმე. ჩემი აზრით, ეს აქამდე განპირობებული იყო იმ ვალდებულებებით, რომელიც მას აქვს ივანიშვილთან მიმართებაში მისი გაპრეზიდენტების საკითხიდან გამომდინარე. ვეჭვობ, რომ შეიძლება ბიძინა ივანიშვილს რადიკალურად დაუპირისპირდეს, თუმცა დღეს ის აშკარად გაბრაზებული იყო, მაგრამ ბიძინა ივანიშვილის სახელი დღესაც არ უხსენებია. მე ვეჭვობ იმაზე შორს ვერ წავიდეს, ვიდრე ამ ტიპის განცხადებებია“, - აღნიშნავს ბურჯანაძე.

როგორც ბურჯანაძემ განაცხადა, პრეზიდენტის მიერ სააკაშვილის შეწყალებაზე ნათქვამი „არა და არასდროს“ ემოციური იყო, დღევანდელი პოზიცია კი უფრო ადეკვატური.

„ მე მიაჩნია, რომ პრეზიდენტის დღევანდელი პასუხი უფრო ადეკვატური იყო, ვიდრე ის, როდესაც თქვა: „არა და არასდროს“. პოლიტიკოსმა არ უნდა თქვას, „არასდროს“. ვნახეთ, როგორი სიტუაცია შეიქმნა ამ ვითარებაში. გარდა ამისა, „არაც“ არასწორი იყო. ჯერ სასამართლომ უნდა გამოიტანოს გადაწყვეტილება და პრეზიდენტმა ნახოს ეთანხმება თუ არა, არის თუ არა ის სამართლიანი. ჩემი აზრით, „არა და არასდროს“ უფრო ემოციური იყო და ძალიან გულწრფელი ნათქვამი, ვიდრე პოლიტიკურად მიზანშეწონილი“,- აღნიშნავს ბურჯანაძე.

მისივე თქმით, ვეტო რომ პრეზიდენტს დაედო იმ კანონისთვის, რომელიც საერთო სასამართლოებს ეხებოდა, შეიძლება ვერ გაებედათ "ელჩების 2022 წლის კონფერენციაზე" სკამის იქ დადგმა, სადაც დასადგმელი არ იყო.

„გუშინწინ გაბრაზდა, როდესაც სკამი არ დაუდგეს იქ, სადაც დასადგმელი იყო. ვეტო რომ დაედო იმ კანონისთვის, რომელიც საერთო სასამართლოებს ეხებოდა, შეიძლება ეგ ვეღარ გაებედათ. ამიტომ, ძალიან ბევრი თემაა. წარმატებას ვუსურვებ, თუ შეძლებს, რომ როგორც პრეზიდენტმა პოზიტიური როლი ითამაშოს ქვეყნის მომავალ განვითარებაში, ეს მხოლოდ კარგი იქნება ჩვენი ქვეყნისთვის“, - აღნიშნავს ბურჯანაძე.

რაც შეეხება უშუალოდ საქართველოს მესამე პრეზიდენტ, მიხეილ სააკაშვილთან დაკავშირებულ საკითხებს, ბურჯანაძე განმარტავს, რომ ის ისურვებდა არ დადასტურდეს, რომ ამ ხელისუფლებას შეუძლია ადამიანი ციხეში მოწამლოს.

„მიუხედავად იმისა, რომ მე და სააკაშვილს მტრული რეჟიმი გვქონდა წლების განმავლობაში, მიუხედავად იმისა, რომ მე ახლა ამ ხელისუფლების ოპონენტი ვარ, ნამდვილად არ მინდა დადასტურდეს, რომ ეს ის ხელისუფლებაა, რომელსაც შეუძლია ადამიანი ციხეში მოწამლოს. ეს ჩემი ქვეყნისთვის ძალიან ცუდია. ვისურვებდი, რომ აღმოჩნდეს, რომ ეს ასე არ არის“, - აღნიშნავს ბურჯანაძე.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024