ცესკოს თავმჯდომარისა და წევრობის თანამდებობებზე ასარჩევად პრეზიდენტის მიერ შეთავაზებული კანდიდატურები პარლამენტის ბიუროს წარედგინა და საკითხი განსახილველად იურიდიულ კომიტეტს გადაეცა.

სალომე ზურაბიშვილმა პარლამენტს ცესკოს თავმჯდომარის თანამდებობაზე გიორგი შაიშმელაშვილისა და ნანული ბებიას კანდიდატურები შესთავაზა, ხოლო ცესკოს წევრის ერთ თანამდებობაზე – რუსუდან ქურდიანისა და თამაზ ფოლადაშვილის კანდიდატურები.

ამასთან, როგორც ცნობილია, ცესკოს წევრის კიდევ ერთ თანამდებობაზე კონკურსი გამოცხადდა.

პრეზიდენტის მიერ კანდიდატურების ხელახლა წარდგენა მას შემდეგ გახდა საჭირო, რაც პარლამენტმა ცესკოს თავმჯდომარე და ცესკოს პროფესიული წევრები ვერ აირჩია და ყველა კანდიდატურა ჩააგდო.