გია ვოლსკი - საავადმყოფოში, იმ ლუქსში, რომელშიც მიხეილ სააკაშვილი დროებით ცხოვრობს, რევოლუციური კომიტეტი შექმნეს

წარმოუდგენელია, რაც ახლა მიხეილ სააკაშვილის გარშემო ხდება - საავადმყოფოში, იმ ლუქსში, რომელშიც მიხეილ სააკაშვილი დროებით ცხოვრობს. რევოლუციური კომიტეტი შექმნეს, - ასე გამოეხმაურა პარლამენტის პირველი ვიცე-სპიკერი გია ვოლსკი პარლამენტის თავმჯდომარის გადაწყვეტილებას, რომელიც დეპუტატებს პატიმარ სააკაშვილთან შესვლის და მისი მონახულების უფლებას აღარ მისცემს.

ვოლსკის აზრით, იმ ფონზე, როცა მოწამვლის თემის გარშემო "სრული თაღლითები შეიკრიბნენ", ეს უსაფრთხოების დამატებითი ზომების მიღებას აუცილებლად მოითხოვს.

„ვინც სრულიად უტიფარ განცხადებას აკეთებს, რომ თითქოს მიხეილ სააკაშვილთან შესვლის შეზღუდვის მიზანი მისი იზოლაციაა, საზოგადოების შეცდომაში შეყვანას ცდილობს, თუმცა საზოგადოება შეცდომაში არ შედის და ზუსტად იცის, პატიმარი როგორ უნდა იყოს და რა რეჟიმში უნდა ცხოვრობდეს.

არათუ მისი ჯანმრთელობა, მკურნალობა და ფსიქოლოგიური მდგომარეობა არ ედარდებათ, არამედ მისი სიცოცხლეც კი. საკუთარ პროპაგანდისტულ აქტივობებში მოწამვლა, დამძიმება, მოკვდინების სურვილი, პუტინის გვარი შემოიტანეს, უშველებელი პროპაგანდისტული ორგანიზაცია დაიქირავეს, ფულს ხარჯავენ და მსოფლიოს ეუბნებიან, რომ მოწამლული სააკაშვილი უნდა მოკვდეს და ა.შ. აქ არ არის მხოლოდ რეჟიმის დაცვის აუცილებლობა, არამედ აქცენტი გასაკეთებელია მისი ჯანმრთელობისა და უსაფრთხოების დაცვაზე. უფრო მეტიც, ხაზგასასმელი სწორედ ეს ნაწილია - სააკაშვილის ჯანმრთელობისა და სიცოცხლის უსაფრთხოება ყველა მხრივ უნდა იყოს დაცული, რადგან ასეთი პროპაგანდისტული და ისტერიული, ყოველგვარ ზღვარსგადასული შეტევა სააკაშვილის ჯანმრთელობისა და მისი სიცოცხლისადმი შიშის გამოყენებით, მით უმეტეს, სრული თაღლითების შეკრება მოწამვლის თემის გარშემო, აუცილებლად მოითხოვს უსაფრთხოების დამატებითი ზომების მიღებას“, - განაცხადა ჟურნალისტებთან გია ვოლსკიმ.

პარლამენტის თავმჯდომარის გადაწყვეტილებით, დეპუტატებისთვის მიხეილ სააკაშვილის მონახულების მიზნით პენიტენციურ დაწესებულებაში შესვლის უფლების მინიჭება ჩერდება.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი