მივესალმები თითოეულ ადამიანს, რომელიც მხარდაჭერას გამოხატავს. მე მოვედი აქ და აუცილებლად მივალ სხვაგანაც , - ამის შესახებ მესამე პრეზიდენტის მიხეილ სააკაშვილის ძმამ გიორგი სააკაშვილმა მთავრობის ადმინისტრაციასთან ლევან ხაბეიშვილის ორგანიზებით მიმდინარე მიხეილ სააკაშვილის სოლიდარობის აქციაზე განაცხადა.

გიორგი სააკაშვილის თქმით, ის იქნება ყველგან, სადაც მიხეილ სააკაშვილის მხარდაჭერა იქნება.

“როგორც მოგეხსენებათ ეს არის სოლიდარობის აქცია. მსოფლიოს ბევრ ქვეყანაში ტარდება მსგავსი აქცია ერთი მოთხოვნით, შევაწუხოთ საქართველოს ხელისუფლება და მიხეილ სააკაშვილს სიცოცხლის უფლება მივცეთ. მე, როგორც ოჯახის წევრი ვიქნები ყველგან, სადაც ჩემი ძმის მხარდაჭერა იქნება.

მივესალმები თითოეულ ადამიანს, რომელიც მხარდაჭერას გამოხატავს. მე მოვედი აქ და აუცილებლად მივალ სხვაგანაც. ჩემთვის მთავარია მხარდაჭერა, რომელსაც ვგრძნობ თითეული ადამიანისგან”, - განაცხადა გიორგი სააკაშვილმა.