გიორგი მუმლაძე - დავიწყეთ კამპანია, „მიხეილ სააკაშვილის სიკვდილი შენც შეგეხება“ - ეს არის წინასწარი კამპანია, რომ ქუჩის აქციებისთვის მოვემზადოთ

„ნაციონალური მოძრაობის“ თავმჯდომარეობის ერთ-ერთი კანდიდატის გიორგი მუმლაძის განცხადებით, დაიწყეს კამპანიამიხეილ სააკაშვილის სიკვდილი შენც შეგეხება“.

როგორც მან ჟურნალისტებს განუცხადა, საქართველოს მესამე პრეზიდენტის, მიხეილ სააკაშვილის შესაძლო გარდაცვალება ნიშნავს საქართველოსთვის ევროპული და დემოკრატიული მომავლის დასამარებას, რაც თითოეული მოქალაქის ცხოვრების დონეზე აისახება.

„დავიწყეთ კამპანია - „მიხეილ სააკაშვილის სიკვდილი შენც შეგეხება“. შენც შეგეხება იმიტომ, რომ რეალურად, ქვეყნის მესამე პრეზიდენტის პუტინის ტყვეობაში გარდაცვალება ნიშნავს ამ ქვეყნისთვის ევროპული და დემოკრატიული მომავლის დასამარებას, რაც თითოეული მოქალაქის ცხოვრების დონეზე აისახება. კერძოდ, უფრო მეტად გავღარიბდებით, მეტი კრიმინალი იქნება და სამწუხაროდ, ქვეყანაში განმეორდება ის უმძიმესი შედეგები, რაც ზვიად გამსახურდიას სიკვდილის შემდეგ განმეორდა. ბუკლეტებზე ჩამოთვლილია კონკრეტულად და პუნქტობრივად, რა დამანგრეველი შედეგი შეიძლება მოიტანოს მიხეილ სააკაშვილის გარდაცვალებამ. ჩვენთვის უმთავრესი სწორედ ის არის, რომ მეტ ადამიანამდე მივიდეთ. ვხდებით ჩვენს მხარდამჭერებს, თანამოაზრეებს და მათი დახმარებით საინფორმაციო ბროშურები ქსელურად უნდა გავრცელდეს“, - განაცხადა მუმლაძემ.

მისი თქმით, საინფორმაციო კამპანია არამარტო თბილისში, არამედ რეგიონებშიც გაგრძელდება.

„მთელი საერთაშორისო საზოგადოება გვეუბნება, გინდათ ევროკავშირის, ნატო-ს წევრობა, გინდათ დასავლეთთან ურთიერთობა? - მაშინ გაათავისუფლეთ ქვეყნის მესამე პრეზიდენტი. ამაში ჩვენ ჩვენი წვლილი უნდა შევიტანოთ. ხალხის მობილიზების, მოტივაციის და ინფორმირების გარეშე არაფერი გამოვა“, - განაცხადა მუმლაძემ.

როგორც მან აღნიშნა, ინფორმირებული საზოგადოება შემდეგ ქუჩის აქციებში უნდა ჩაერთოს.

„უახლოეს პერიოდში სწორედ ინფორმირებულ ხალხს დავუძახებთ თუნდაც ქუჩის პროტესტში. თითოეულმა მოქალაქემ უნდა იცოდეს, რა შედეგების აღმოსაფხვრელად გადის ქუჩაში და რისთვის იბრძვის. ამიტომ, რა თქმა უნდა, ეს არის წინასწარი კამპანია იმისთვის, რომ ქუჩის აქციებისთვის მოვემზადოთ. ჯერ ვახდენთ ინფორმირებას, მაქსიმალურად მეტ ადამიანამდე რომ მივიტანოთ ინფორმაცია და შემდეგ უკვე ქუჩის აქციებზეც ბრძოლა, რა თქმა უნდა დაიწყება“,-განაცხადა მუმლაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024