საფრანგეთი საკუთარ მოქალაქეებს „მტკიცედ ურჩევს“, არ ეწვიონ ბელარუსს

საფრანგეთის საგარეო საქმეთა სამინისტრო საკუთარ მოქალაქეებს „მტკიცედ ურჩევს“, არ ეწვიონ ბელარუსს.

საგარეო უწყება მიზეზად "რუსეთის მიერ უკრაინაში წამოწყებულ ახალ შეტევას" ასახელებს.

დღესვე, ამერიკის შეერთებულმა შტატებმა თავის მოქალაქეებს მოუწოდა, რომ დაუყოვნებლივ დატოვონ რუსეთი უკრაინაში მიმდინარე ომისა და რუსეთის სამართალდამცავი ორგანოების მიერ დაუსაბუთებელი დაპატიმრების ან შევიწროების რისკის გამო.