ჯო ბაიდენი - როცა პუტინი უკრაინაში შეიჭრა, ეგონა, რომ უკრაინა სუსტი, ხოლო დასავლეთი გაყოფილი იყო - მას ეგონა, რომ ჩვენზე დიდხანს გაუძლებდა, მაგრამ ძალიან შეცდა
აშშ-ის პრეზიდენტის, ჯო ბაიდენის განცხადებით, ის ეწვია კიევს, რათა კიდევ ერთხელ დაადასტუროს შეერთებული შტატების ურყევი მხარდაჭერა უკრაინის მიმართ, გამოაცხადოს ახალი სამხედრო დახმარება და ახალი სანქციები.
„როდესაც მსოფლიო ემზადება უკრაინაში რუსეთის სასტიკი შეჭრის ერთი წლისთავის აღსანიშნავად, მე დღეს კიევში ვარ, რათა შევხვდე პრეზიდენტ ზელენსკის და დავადასტურო ჩვენი ურყევი ერთგულება უკრაინის დემოკრატიის, სუვერენიტეტისა და ტერიტორიული მთლიანობის მიმართ“, - აღნიშნულია ჯო ბაიდენის განცხადებაში, რომელსაც თეთრი სახლი ავრცელებს.
მისი თქმით, პუტინი ფიქრობდა, რომ დასავლეთი ვერ გაუძლებდა რუსეთის შეჭრას.
"როდესაც პუტინმა დაიწყო შეჭრა თითქმის ერთი წლის წინ, მას ეგონა, რომ უკრაინა სუსტი იყო და დასავლეთი - გაყოფილი. მას ეგონა, რომ ჩვენზე დიდხანს გაუძლებდა, მაგრამ ის ძალიან შეცდა", - განაცხადა ბაიდენმა.
v-if="article.gallery" v-html="article.gallery"
