კავკასიის საერთაშორისო უნივერსიტეტსა და მიშკოლცის უნივერსიტეტს (უნგრეთი) შორის თანამშრომლობის შესახებ შეთანხმება გაფორმდა. ამის შესახებ ინფორმაციას კავკასიის საერთაშორისო უნივერსიტეტი ავრცელებს.

„შეთანხმება სამართლის სფეროში სამეცნიერო-კვლევითი საქმიანობის ინტერნაციონალიზაციის კუთხით თანამშრომლობას, ერთობლივი სამეცნიერო პროექტების განხორციელებას და სამეცნიერო კონფერენციების ჩატარებას, სასწავლო და ტრენინგკურსების, საზაფხულო სკოლების ორგანიზებასა და CIU-ს სამართლის ფაკულტეტის სტუდენტთა და პროფესორ-მასწავლებელთა გაცვლითი პროგრამების განხორციელებას ითვალისწინებს”, - აღნიშნულია ინფორმაციაში.