გიორგი ვაშაძე აშშ-ს პრეზიდენტს - საქართველო იმსახურებს ნატო-ს და ევროკავშირის წევრობას! - ეს არის საქართველო! ჩვენ ვართ ევროპა

"სტრატეგია აღმაშენებლის" ლიდერმა უკრაინის სოლიდარობის აქციაზე მსოფლიო ლიდერებს ქართველი ხალხის სახელით მიმართა.

გიორგი ვაშაძემ აშშ-ს პრეზიდენტს მიმართა და თქვა, რომ საქართველო დგას ცივილიზებულ სამყაროსთან და, რა თქმა უნდა, უკრაინის გვერდით.

"ქართველი ხალხის სახელით, მინდა მივმართო ამერიკის პრეზიდენტს და ევროპული ქვეყნების ლიდერებს: საქართველო დგას უკრაინასთან! საქართველო დგას ცივილიზებულ სამყაროსთან! საქართველო არასდროს დანებდება! საქართველო იმსახურებს ევროკავშირის წევრი ქვეყნის სტატუსს! და საქართველო იმსახურებს ნატო-ს წევრობას! ეს არის საქართველო! ჩვენ ვართ ევროპა!", - აღნიშნა გიორგი ვაშაძემ.