მიხეილ ჯანელიძე - „ქართული ოცნება“ ღიად უპირისპირდება სტრატეგიულ პარტნიორებს, კონსტიტუციით გამყარებულ საგარეო პოლიტიკას და დემოკრატიულ კურსს
საქართველოს საგარეო საქმეთა ყოფილი მინისტრი მიხეილ ჯანელიძე აცხადებს, რომ „ქართული ოცნება“ ღიად უპირისპირდება ქვეყნის დემოკრატიულ კურსს.
ამის შესახებ ყოფილმა მინისტრმა სოციალურ ქსელში დაწერა და გამოეხმაურა ე.წ. აგენტების შესახებ კანონპროექტებს, რომელიც საპარლამენტო უმრავლესობაში შემავალმა "ხალხის ძალამ" წარადგინა.
„როგორც დღეს „ქართულმა ოცნებამ“ განაცხადა, ის აპირებს დაჩქარებული წესით, პირველი მოსმენით, მიიღოს ორი კანონპროექტი, რომლებიც უკავშირდება ე.წ. უცხოელ აგენტებს. როგორც თვითონვე განმარტეს, ეს გულისხმობს პრინციპების დონეზე კანონპროექტის მიღებას/დაშვებას. ნებისმიერ კანონში, მთავარია მიზანი, თუ რას ემსახურება და რა კონტექსტში ხდება მისი მიღება/აღსრულება. თუ შევხედავთ მიზანს და კონტექსტს, ცალსახაა, რომ „ქართული ოცნება“ ღიად უპირისპირდება ჩვენი ქვეყნის სტრატეგიულ პარტნიორებს, ჩვენი ქვეყნის კონსტიტუციით გამყარებულ საგარეო პოლიტიკას და დემოკრატიულ კურსს”, - წერს ჯანელიძე „ფეისბუქზე“.
v-if="article.gallery" v-html="article.gallery"
