ეკა ხერხეულიძე - დღეს საქართველოს პარლამენტში განსხვავებული აზრის მიუღებლობა და დევნაა
„ერთიანი ნაციონალური მოძრაობის“ წევრის, დეპუტატ ეკა ხერხეულიძის განცხადებით, მას არ ახსენდება შემთხვევა, როცა ქალი დეპუტატი სხდომიდან გაეძევებინოთ.
ხერხეულიძის განმარტებით, დღეს საქართველოს პარლამენტში განსხვავებული აზრის მიუღებლობა და დევნაა.
„ოხანაშვილი ამ შუალედში ახერხებს, რომ მათ შორის ქალბატონები დარბაზიდან გააძევოს. ახლა მე სალომე სამადაშვილის სანახავად გამოვედი, იმიტომ, რომ გიორგი ვაშაძე, ლევან ხაბეიშვილი, ბოტკოველი გააძევეს. მე არ მოვსწრებივარ, რომ მანდატურებს ქალბატონები გაეყვანათ და გამოეყვანათ შენობიდან. ის გარემოება, რასაც ახლა ხედავთ, სუს-ის თანამშრომლებით სავსე შენობა და აპარატის თანამშრომლების შენობაში არ დაშვება, თავისთავად ნიშნავს იმას, რომ ეს კანონი უკვე ამოქმედებულია, რის მიღებასაც ახლა ესენი ცდილობენ, იმიტომ, რომ მეტი არაფერი არ არის. დღეს საქართველოს პარლამენტში განსხვავებული აზრის მიუღებლობა და დევნა არის. ეს გავრცელდება მთელ ქვეყანაში, ეს ქართულმა საზოგადოებამ უნდა გაიგოს“, - განაცხადა ხერხეულიძემ.
v-if="article.gallery" v-html="article.gallery"
