თეონა აქუბარდია - პარლამენტის თავმჯდომარისა და ბიუროს გადაწყვეტილებით, წაგვართვეს კონსტიტუციური უფლება, ალტერნატივით წარვმდგარიყავით ამ რუსულ კანონთან დაკავშირებით

დამოუკიდებელი დეპუტატის თეონა აქუბარდიას განცხადებით, პარლამენტის თავმჯდომარისა და ბიუროს გადაწყვეტილებით, წაართვეს კონსტიტუციური უფლება, რუსულ კანონთან დაკავშირებით ალტერნატიული კანონი წარედგინათ. როგორც აქუბარდიამ ჟურნალისტებს განუცხადა, ისინი გადაწყვეტილებას საკონსტიტუციო სასამართლოში გაასაჩივრებენ.

„არ მოგვცეს შესაძლებლობა, დაგვეპირისპირებინა მათ რუსულ კანონს ჩვენი ალტერნატიული კანონი. რუსეთი- ოკუპანტი ძალა და მისი გავლენა არის ჩვენი ეროვნული უსაფრთხოებისთვის საფრთხის შემცველი. პირველ ეტაპზე, მთავარი დაპირისპირება დაიწყო სწორედ იმასთან დაკავშირებით, რომ კომიტეტის თავმჯდომარე, ბატონი ანრი ოხანაშვილი ინტერპრეტირებას ახდენს რეგლამენტის იმ მუხლის, რითაც მან დეპუტატის კონსტიტუციური უფლება შეზღუდა. საკონსტიტუციო სასამართლოში გავასაჩივრებთ 6 დეპუტატი პარტია „საქართველოსთვის“ და მე, რომლებმაც დავაინიციირეთ რუსულ კანონზე ალტერნატიული კანონი. პარლამენტის თავმჯდომარისა და ბიუროს გადაწყვეტილებით, ჩვენ წაგვართვეს კონსტიტუციური უფლება, ალტერნატივით წარვმდგარიყავით ამ რუსულ კანონთან დაკავშირებით. სრულიად უმიზეზოდ, რეგლამენტის და კონსტიტუციის დარღვევით, დღეს გააკეთეს ეს ყველაფერი მიუხედავად იმისა, რომ ყველანაირი დოკუმენტი, მათ შორის დღის წესრიგი წინასწარ ჰქონდა იურიდიული კომიტეტის თავმჯდომარეს გაგზავნილი. მათ არანაირი კონსტრუქციული განხილვა, არანაირი ალტერნატიული მიდგომა არ უნდათ, ეს არის ხელის გადაგრეხის მცდელობა ქვეყნის კონსტიტუციის და არჩეული საგარეო ვექტორის წინააღმდეგ, ამას აუცილებლად სჭირდება მოსახლეობის პოზიციის დაფიქსირება“, - განაცხადა აქუბარდიამ.

ვახტანგ ძაბირაძე - ემოციური ზაფხული და არანაკლებ სახიფათო შემოდგომა გველის
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)