მიხეილ სარჯველაძის განცხადებით, პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის სხდომა მოგვიანებით პირველი რესპუბლიკის დარბაზში ჩატარდება
საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის სხდომა, რომელიც ხმაურით დაიწყო, დროებით გადაიდო და სხვა დარბაზში ჩატარდება.
სხდომა, მცირეხნიანი შესვენების გამოცხადების შემდეგ, კომიტეტის თავმჯდომარე მიხეილ სარჯველაძემ გახსნა და განაცხადა, რომ ის საქართველოს კონსტიტუციის დარბაზის ნაცვლად, პირველი რესპუბლიკის დარბაზში, მას შემდეგ ჩატარდება, რაც იქ იურიდიულ საკითხთა კომიტეტის სხდომა დასრულდება.
ოპოზიციონერი დეპუტატების განცხადებით, სავარაუდოდ, მსგავსი გადაწყვეტილება განპირობებულია იმით, რომ კონსტიტუციის დარბაზში არ ჰქონდათ ოპოზიციონერი დეპუტატებისთვის მიკროფონის გამორთვის შესაძლებლობა, რაც პირველი რესპუბლიკის დარბაზში არსებობს.
შეგახსენებთ, ადამიანის უფლებათა კომიტეტზე ხმაური გამოიწვია ოპოზიციის მოთხოვნამ, სხდომის დღის წესრიგთან გაეკეთებინათ განცხადება. საპასუხოდ, მიხეილ სარჯველაძემ განაცხადა, რომ დღის წესრიგით 4 საკითხია განსაზღვრული და მას ვერაფერი დაემატება. მან ოპოზიციონერ დეპუტატებს მიმართა, რომ "დებოშის მოწყობის საშუალებას არ მისცემს."
v-if="article.gallery" v-html="article.gallery"
