“ევროპა ჩვენი არჩევანია” - ამ ლოზუნგით ბათუმის ცენტრალურ პარკში მოქალაქეები იკრიბებიან

“ევროპა ჩვენი არჩევანია” - ამ ლოზუნგით ბათუმში ცენტრალურ პარკში მოქალაქეები იკრიბებიან.მათი მთავარი გზავნილია, რომ ხელისუფლებამ ე.წ. აგენტების შესახებ კანონპროექტებს მხარი არ დაუჭიროს.

შეკრებილებს მიაჩნიათ, რომ აღნიშნული კანონპროექტი რუსულია და ის საქართველოს კონსტიტუციის წინააღმდეგ მიდის.

აქციის მონაწილეების თქმით, ქართველი ხალხის არჩევანი ევროპაა.

“ამ კანონის ინიცირება საფრთხეს უქმნის საქართველოს ევროპულ კურს. კანონი მხოლოდ არასამთავრობო ორგანიზაციების ფინანსურ გამჭვირვალობას არ ეხება, არამედ კანონის მიზანია, თავისუფალი ხმის ჩახშობა და განსხვავებული აზრის მქონე ადამიანების გაჩუმება. ამ კანონის მიღება ნიშნავს საქართველოს არჩევანს რუსეთის სასარგებლოდ”, - განაცხადეს შეკრებილებმა.