დავით უსუფაშვილი ლაზარე გრიგორიადისზე - რა დანაშაულებიც ჩაიდინა „ოცნების“ უმაღლესმა „ლიდერშიფმა“ ამ ახალგაზრდის მიმართ, გამოძიების საგანი გახდება - დადგება „ქართული ოცნების“ პოლიტიკოსების რიგი
რა დანაშაულებიც ჩაიდინა „ოცნების“ უმაღლესმა „ლიდერშიფმა“ კონკრეტულად ამ ახალგაზრდის მიმართ, ეს ყველაფერი გახდება გამოძიების საგანი, - ასე პასუხობს "ლელოს"დეპუტატი დავით უსუფაშვილი კითხვას, ხომ არ ელოდება ოპოზიცია, რომ 7-9 მარტის აქციებთან დაკავშირებით დაკავებული ლაზარე გრიგორიადისის შემდეგ, შესაძლოა, პოლიტიკოსებიც რიგიც დადგეს.
უსუფაშვილის თქმით, "ქართულმა ოცნებამ" ახალგაზრდა ადამიანს წაართვა არა მხოლოდ სამართლიანი სასამართლოს უფლება, არამედ შელახა მისი უფლებები და თავისუფლება.
"მე დარწმუნებული ვარ, ამ ქვეყანაში დადგება პოლიტიკოსების რიგი, ოღონდ ეს იქნება ოცნების წარმომადგენელი პოლიტიკოსების რიგი და არა სხვისი. კონკრეტულად ამ საქმესთან დაკავშირებით, კონკრეტულად ამ ახალგაზრდის მიმართ, რა დანაშაულებიც ჩაიდინა „ოცნების“ უმაღლესმა ლიდერშიფმა, კი, ეს ყველაფერი გახდება გამოძიების საგანი, რადგან მათ მოუსპეს ამ ახალგაზრდას სამართლიანი სასამართლოს უფლება, რადგან დასდეს უკვე ბრალი და გამოუტანეს განაჩენი, იკადრეს ამაზე მეტი - შელახეს სამართლებრივი, იურიდიული უფლებები, მისი პირადი, პიროვნული უფლებები და თავისუფლება, კი დადგება პოლიტიკოსების რიგი, მაგრამ "ქართული ოცნებისგან". ამაში დარწმუნებული ვარ" , - განაცხადა უსუფაშვილმა.
