ვითხოვთ ამ ბრძანების გაუქმებას, წინააღმდეგ შემთხვევაში შალვა პაპუაშვილმა უნდა იცოდეს, რომ მათ უფლებებს დავიცავთ ჩვენ, პარლამენტის წევრები და მას აქ, პარლამენტში შეექმნება დიდი დისკომფორტი ამის გამო, - ამის შესახებ „ნაციონალური მოძრაობის“ დეპუტატმა ანი წითლიძემ, შალვა პაპუაშვილის მიერ მედიის წარმომადგენლებისთვის პარლამენტის აკრედიტაციის შეჩერების თაობაზე, ჟურნალისტებს განუცხადა.

მისი თქმით, პაპუაშვილის მიერ გამოცემულ ბრძანებას სამართლებრივი საფუძველი არ აქვს.

„არანაირი სამართლებრივი საფუძველი არ აქვს ბრძანებას, რაც შალვა პაპუაშვილმა გამოსცა. ამას აქვს ერთადერთი პოლიტიკური მოტივი, შეზღუდოს და საქმიანობა აუკრძალოს კრიტიკულად განწყობილ ჟურნალისტებს“, - განაცხადა ანა წითლიძემ.

ინფორმაციისთვის, შალვა პაპუაშვილის ბრძანების თანახმად, ჟურნალისტი ვალდებულია შეწყვიტოს ინტერვიუ, თუკი რესპონდენტს არ სურს კითხვებს უპასუხოს. ამ ჩანაწერის საფუძველზე პარლამენტის აკრედიტაცია ერი თვის ვადით, ორ ჟურნალისტს და მათ ოპერატორებს შეუჩერდათ.