გიგი წერეთელი - 9 აპრილს დაღვრილი სისხლი არ შეიძლება უკვალოდ გაქრეს, საქართველო აუცილებლად მიაღწევს რეალურ თავისუფლებას
9 აპრილს დაღვრილი სისხლი არ შეიძლება უკვალოდ გაქრეს, საქართველო აუცილებლად მიაღწევს რეალურ თავისუფლებას, - ამის შესახებ „ევროპული საქართველოს“ პოლიტსაბჭოს თავმჯდომარე, გიგი წერეთელმა ცხრა აპრილის მემორიალთან განაცხადა.
როგორც გიგი წერეთელმა აღნიშნა, 9 აპრილი საქართველოს ისტორიაში ერთ-ერთი ყველაზე გამორჩეული და მნიშვნელოვანი დღეა.
მისი თქმით, 9 აპრილმა თავის დროზე ძალიან დიდი იმპულსი მისცა ქვეყნის დამოუკიდებლობისთვის ბრძოლას.
„მე ვფიქრობ, რომ ეს იმპულსი დღესაც მნიშვნელოვანია, დღესაც საჭიროა, იმიტომ რომ ვხედავთ, ეს ბრძოლა გრძელდება და საქართველოს რეალურ დამოუკიდებლობას, რეალურ თავისუფლებას ჯერ კიდევ სჭირდება გარკვეული დრო, ვფიქრობ მოკლე დრო, მაგრამ ჩვენ ამას აუცილებლად მივაღწევთ, რადგან აქ დაღვრილი სისხლი და განწირული სიცოცხლე, არ შეიძლება უკვალოდ გაქრეს“ , - აღნიშნა წერეთელმა.
v-if="article.gallery" v-html="article.gallery"
