ქართველი ვაჟკაცები იბრძვიან უკრაინაში, მაგრამ იბრძვიან საქართველოს თავისუფლებისთვის და მათი სახელი უნდა იყოს ყოველთვის მაგალითი ჩვენი მომავალი თაობისთვის, - ამის შესახებ „ერთიანი ნაციონალური მოძრაობის“ რეგიონულმა მდივანმა, გიორგი ბოტკოველმა განაცხადა.

როგორც გიორგი ბოტკოველი აღნიშნავს, სწორედ ასეთი გმირების თავგანწირვაზე უნდა იყოს აგებული საქართველოს მომავალი.

„სწორედ ასეთი გმირების თავგანწირვაზე უნდა იყოს აგებული ჩვენი მომავალი და ასეთი გმირების თავგანწირვა უნდა იყოს ჩვენი მომავალი თაობისთვის მაგალითი, თუ რატომ უნდა იბრძოლო ქვეყნის თავისუფლებისთვის. ეს ვაჟკაცები იბრძვიან უკრაინაში, მაგრამ იბრძვიან საქართველოს თავისუფლებისთვის და მათი სახელი უნდა იყოს ყოველთვის მაგალითი ჩვენი მომავალი თაობისთვის“, - განაცხადა გიორგი ბოტკოველმა

უკრაინაში დაღუპული კიდევ ერთი ქართველი მებრძოლის, დავით ქუჩუკიანი საქართველოში ჩამოსვენებაზე „ერთიანი ნაციონალური მოძრაობის“ სამდივნოს კიდევ ერთი წევრი გიორგი მუმლაძეც იმყოფებოდა.

გიორგი მუმლაძის თქმით, ეს ადამიანები, რომლებიც იბრძვიან უკრაინაში, იბრძვიან საქართველოს თავისუფლებისთვის;

„ქედს ვიხრი ყველა მეომრის წინაშე და განსაკუთრებით ყველა იმ გარდაცვლილი გმირის წინაშე, რომელმაც საკუთარი სიცოცხლის ფასად დაიცვა მსოფლიო მშვიდობა, მსოფლიო თავისუფლება და ღირსეულად ემსახურა, როგორც საქართველოს, ისე უკრაინას“, - განაცხადა გიორგი მუმლაძემ.

ცნობისთვის, უკრაინაში დაღუპული კიდევ ერთი ქართველი მებრძოლი გამთენიისას ჩამოასვენეს.