საბა ბუაძე - 8 თვე გავიდა ვაკის პარკის ტრაგედიიდან და კითხვები ჯერ კიდევ უპასუხოდ რჩება - სად ჩანს, რომ თბილისის მერმა რაიმე დასკვნა გამოიტანა?

8 თვე გავიდა ვაკის პარკში მომხდარი ტრაგედიიდან და ის კითხვები, რომელიც მაშინ არსებობდა, ჯერ კიდევ უპასუხოდ რჩება, - ამის შესახებ „ლელოს“ წევრი საბა ბუაძე აცხადებს.

ბუაძე ვერ ხედავს საფუძველს იფიქროს, რომ თბილისის მერმა მომხდარი ტრაგედიიდან „დასკვნა გამოიტანა“.

„დღეს „ვაკის პარკის“ საქმეზე მიმდინარე სასამართლო პროცესს ვესწრები. 8 თვე გავიდა ამ ტრაგედიიდან და ის კითხვები, რომელიც მაშინ არსებობდა, ჯერ კიდევ უპასუხოდ რჩება. ამ საქმის შემდეგ ფაქტობრივად არც ერთი სისტემური ცვლილება არ განხორციელებულა.

„გრინსერვისი“ ისევ იმარჯვებს მერიის ტენდერებში;

უსაფრთხოების ნორმების ცვლილება არ მომხდარა;

კანონმდებლობა ისევ უცვლელია.

სად ჩანს, რომ რაიმე დასკვნა გამოიტანა თბილისის მერმა ამ ტრაგედიიდან?!“- განაცხადა ბუაძემ.