ბრიტანეთის ელჩი კახოვკას ჰესის აფეთქებაზე - უკრაინაში რუსეთის შეჭრას ეკვივალენტი არ აქვს, ეს არ არის „კონფლიქტი“ მეზობლებს შორის

უკრაინაში გაერთიანებული სამეფოს ელჩი, მელინდა სიმონსი მიიჩნევს, რომ კახოვკას კაშხლის განადგურების შემდეგ, ომი მეზობლებს შორის კონფლიქტად აღარ განიხილება.

„უკრაინაში რუსეთის შეჭრას ეკვივალენტი არ აქვს. ეს არ არის „კონფლიქტი“ მეზობლებს შორის. ეს არის რუსეთის უკანონო შეჭრა, რომლის ძალისხმევა სცილდება უკრაინის მიწის მიტაცებას და მიდის მის და უკრაინელი ხალხის განადგურებამდე, რომელიც ამ მიწაზე მშვიდობიანად ცხოვრობს“, - დაწერა ელჩმა „ტვიტერზე“.

შეგახსენებთ, 6 ივნისს კახოვკას ჰესის კაშხალზე განხორციელებული აფეთქების შედეგად ათობით დასახლება იტბორება და ათასობით ადამიანის ევაკუაცია ხორციელდება. კიევმა მომხდარი უკრაინის ინფრასტრუქტურის წინააღმდეგ ჩადენილ ტერორისტულ აქტად შეაფასა.