საქართველოს თავდაცვის მინისტრი EUMM-ის ხელმძღვანელს შეხვდა
საქართველოს თავდაცვის მინისტრი ჯუანშერ ბურჭულაძე საქართველოში ევროკავშირის სადამკვირვებლო მისიის (EUMM) ხელმძღვანელს, დიმიტრიოს კარაბალისს შეხვდა.
როგორც თავდაცვის სამინისტროს მიერ გავრცელებულ ინფორმაციაშია აღნიშნული, გაცნობითი ხასიათის შეხვედრაზე მხარეებმა ევროკავშირის მონიტორინგის მისიასა და საქართველოს თავდაცვის სამინისტროს შორის თანამშრომლობის მიმდინარე საკითხები და სამომავლო გეგმები განიხილეს.
უწყების ცნობითვე, საუბრისას მინისტრმა უსაფრთხოების უზრუნველყოფაში EUMM-ის, როგორც ერთადერთი საერთაშორისო მონიტორინგის მექანიზმის მნიშვნელოვანი როლი აღნიშნა.
„შეხვედრაზე რეგიონში უსაფრთხოების გამოწვევებსა და ოკუპირებულ რეგიონებში არსებულ ვითარებაზე იმსჯელეს.
საუბარი ევროკავშირთან თანამშრომლობის პრიორიტეტულ მიმართულებებს, მათ შორის, ევროკავშირის ერთიანი უსაფრთხოებისა და თავდაცვის პოლიტიკის (CSDP) ფარგლებში თანამშრომლობის საკითხებს შეეხო,“ - აღნიშნულია ინფორმაციაში.
v-if="article.gallery" v-html="article.gallery"
