მე მახსოვს ჩემი ისტორიის გამოცდა, როცა მეტრეველი იყო ლექტორი უნივერსიტეტის - მაქვს განცდა, რომ ის ჭაობი, ნაფტალინი ბრუნდება, - ასე ეხმიანება ოპოზიციონერი დეპუტატი ხატია დეკანოიძე ჟურნალისტებთან „მთავარი არხის“ ეთერში გასულ სიუჟეტს, სადაც როინ მეტრეველი მზადყოფნას გამოთქვამს, პრემიერ-მინისტრ ირაკლი ღარიბაშვილს აკადემიკოსის სტატუსი მიანიჭოს.

დეკანოიძის თქმით, მიუხედავად იმისა, რომ მისთვის ამაში არაფერი ახალი არ არის, „ამ ყველაფრის მოსმენა სევდიანი იყო“.

"ჩემთვის ეს იყო ძალიან სევდიანი, გამახსენდა ისტორიის გამოცდა, როცა ვაბარებდი უნივერსიტეტში და შეგრძნება მქონდა, რომ ეს ჭაობი, ნაფტალინი ბრუნდება და სამწუხაროა, როცა ასეთი დამოკიდებულება ისაზღვრება ხელისუფლებასა და სამეცნიერო წრეებს შორის. ახალი არაფერი გამიგია სიმართლე გითხრათ, რაც არ ვიცოდი, მაგრამ ძალიან მძიმე და სევდიანია. ჩემ პოზიციას რაც შეეხება, როგორც გითხარით, მე მახსოვს ჩემი ისტორიის გამოცდა, როცა ჯერ კიდევ უნივერსიტეტის ლექტორი იყო", - განაცხადა დეკანოიძემ.