გიორგი პერტაიამ ბრიუსელში ევროპალატის გაფართოებისა და სამეზობლო კომიტეტის შეხევდრას უხელმძღვანელა
სავაჭრო პალატის პრეზიდენტმა, გიორგი პერტაიამ ბრიუსელში, ევროპალატის გაფართოებისა და სამეზობლო კომიტეტის შეხვედრას უხელმძღვანელა. ამის შესახებ ინფორმაციას სავაჭრო პალატა ავრცელებს.
მათივე ცნობით, შეხვედრის ფარგლებში მონაწილეებმა მოისმინეს უკრაინის მხარდამჭერი ღონისძიებები. კერძოდ, დონორთა მიერ განხორციელებული აქტივობები ქვეყნის გაჯანსაღებისა და რეკონსტრუქციის მიმართულებით.
„მხარეებმა ასევე განიხილეს, თურქეთ-ევროკავშირის ურთიერთობების პერსპექტივები და ევროპალატის წევრი სავაჭრო პალატების წვლილი თურქეთ-ევროკავშირის სავაჭრო-ეკონომიკური ურთიერთობების გაღრმავებაში.
გიორგი პერტაიამ თავის გამოსვლისას ხაზი გაუსვა საქართველოს, უკრაინისა და მოლდოვას ევროკავშირში ინტეგრაციის მნიშვნელობას. ამასთან, მან აღნიშნა საქართველოს ეკონომიკური წარმატება და საქართველო-ევროკავშირის ასოცირების შეთანხმების ფარგლებში, ქვეყნის პროგრესი სტრუქტურული რეფორმების კუთხით.
პალატის პრეზიდენტმა იმედი გამოთქვა, რომ უკრაინასთან და მოლდოვასთან ერთად, საქართველო ევროკავშირთან აღებული ვალდებულების შესრულების შედეგად, წევრობის კანდიდატის სტატუსს მიიღებს.
გიორგი პერტაიამ, ევროპალატის ფარგლებში განხორციელებულ პროექტებზეც ისაუბრა, მათ შორის „EU4Business: Connecting Companies“-ზე.
მან ყურადღება გაამახვილა ევროპალატის როლზე და ხაზი გაუსვა პლატფორმის მნიშვნელობას წევრ სავაჭრო პალატების, კერძო სექტორისა და ევროპულ ინსტიტუტებს შორის მჭიდრო თანამშრომლობის დამყარების კუთხით“, - ნათქვამია ინფორმაციაში.
v-if="article.gallery" v-html="article.gallery"
