სოლომონ პავლიაშვილმა და USAID-ის წარმომადგენლებმა მყარი ნარჩენების მართვის სისტემებზე თანამშრომლობის საკითხები განიხილეს

გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი აშშ-ის საერთაშორისო განვითარების სააგენტოს (USAID) წარმომადგენლებს შეხვდა. ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, შეხვედრაზე მხარეებმა, USAID-ის ეკონომიკური უსაფრთხოების პროგრამის ფარგლებში, მყარი ნარჩენების მართვის (Solid Waste Management) კომპონენტი და აღნიშნული მიმართულებით სამომავლო თანამშრომლობის საკითხები განიხილეს.

სოლომონ პავლიაშვილმა USAID-ის წარმომადგენლებს არაერთი მიმართულებით საქართველოს მხარდაჭერისთვის მადლობა გადაუხადა და აღნიშნა, რომ აშშ-ის საერთაშორისო განვითარების სააგენტოს პროექტებში ნარჩენების მართვის კომპონენტის გააქტიურება მნიშვნელოვანი შედეგების მომტანი იქნება.

„ქვეყანაში ნარჩენების მართვის სისტემის ჩამოყალიბების მიმართულებით ხელშესახები პროგრესი უკვე არსებობს. მიღებული გვაქვს ტექნიკური რეგლამენტები ზეთების, საბურავების, ელექტრო და ელექტრომოწყობილობების, აკუმულატორების ნარჩენების მართვის მიმართულებებით. მიმდინარეობს აქტიური მუშაობა შესაფუთი და ავტომობილების ნარჩენების მართვის ტექნიკურ რეგლამენტებზე. ჩვენი სწორი პოლიტიკით და ბიზნესთან აქტიური კომუნიკაციით, მწარმოებლის გაფართოებული ვალდებულების (მგვ) სისტემა რეალურად ამუშავდა, სადაც, დღეისათვის, უკვე 11 000-მდე კომპანიაა გაერთიანებული. ჩვენი პოლიტიკის მთავარი მიზანი გარემოდან ნარჩენების ამოღებაა, თუმცა ნარჩენების მდგრადი მართვის უზრუნველყოფისთვის, საჭიროა ქვეყანაში ნარჩენების გადამმუშავებელი წარმოების განვითარება. სწორედ ამ მიმართულებით გვჭირდება რეალური მხარდაჭერა. ვფიქრობ, სახელმწიფოსა და საერთაშორისო დონორი ორგანიზაციების, მათ შორის USAID-ის, კოორდინირებული მოქმედება, ეფექტიანი და შედეგის მომცემი იქნება. უნდა აღინიშნოს, რომ ნარჩენების შეგროვებისა და გადამუშავების გამართული სისტემის არსებობა, ცირკულარული ეკონომიკის დანერგვას გაადვილებს“, - განაცხადა სოლომონ პავლიაშვილმა.

როგორც შეხვედრაზე USAID-ის წარმომადგენლებმა აღნიშნეს, ეკონომიკური უსაფრთხოების პროგრამა ფოკუსირებულია კერძო სექტორის განვითარებაზე. მყარი ნარჩენების მართვის კომპონენტში, ტექნიკური დახმარება უკვე გაეწია რამდენიმე კომპანიას საბურავების, მინის, პლასტმასის და ა.შ გადამუშავების მიმართულებით. შეხვედრაზე მხარეები შეთანხმდნენ, რომ ახლო მომავალში, გაფართოებულ ფორმატში, გაიმართება სამინისტროს, USAID-ის სხვადასხვა პროექტის, კერძო კომპანიების წარმომადგენლებისა და მგვ-ის წევრი ორგანიზაციების სამუშაო შეხვედრა, სადაც ნარჩენების გადამუშავების კუთხით პრიორიტეტულ მიმართულებებს განსაზღვრავენ და სამომავლო თანამშრომლობის საკითხებს განიხილავენ.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა