უკრაინის ჯანდაცვის სამინისტრო ქვეყნის სამხრეთ ნაწილში ქოლერის ეპიდემიის შესახებ გავრცელებულ ცნობებს რუსეთის ფედერაციის საინფორმაციო-ფსიქოლოგიური სპეციალური ოპერაციის ნაწილად აფასებს.

"ხაზგასმით აღვნიშნავთ, რომ აღნიშნული ინფორმაცია არ შეესაბამება სინამდვილეს. ამ ოლქების ტერიტორიაზე ქოლერის არცერთი დადასტურებული შემთხვევა არ არის დარეგისტრირებული", - ნათქვამია უწყების განცხადებაში.

ცნობები ხერსონის, ზაპოროჟიეს, ნიკოლაევის, დნეპროპეტროვსკის და ოდესის ოლქებთან დაკავშირებით გავრცელდა.