სასაზღვრო პოლიციის თანამშრომლებმა, საზღვრის უკანონოდ, ჯგუფურად გადაკვეთის მცდელობის ფაქტზე საქართველოს 2 მოქალაქე დააკავეს
სასაზღვრო პოლიციის თანამშრომლებმა, წითელი ხიდის სამმართველოს სასაზღვრო სექტორ "სადახლოს" დასაცავ მონაკვეთზე ჩატარებული ოპერატიულ-საგამოძიებო მოქმედებების შედეგად, საქართველოს სახელმწიფო საზღვრის უკანონოდ, ჯგუფურად გადაკვეთის მცდელობის ფაქტზე საქართველოს 2 მოქალაქე - 1966 წელს დაბადებული ხ.ხ. და 1987 წელს დაბადებული ა.ა. დააკავეს.
შინაგან საქმეთა სამინისტროს ცნობით, დანაშაული 5 წლამდე ვადით თავისუფლების აღკვეთას ითვალისწინებს.
„ასევე, მოსამართლის განჩინების საფუძველზე, სასაზღვრო პოლიციის ოპერატიულ-საგამოძიებო მთავარი სამმართველოს და შინაგან საქმეთა სამინისტროს მარნეულის რაიონული სამმართველოს სადახლოს პოლიციის განყოფილების თანამშრომლებმა ერთობლივად ჩატარებული ოპერატიულ-საგამოძიებო მოქმედებების შედეგად, 1997 წელს დაბადებული ა.ხ. და 2003 წელს დაბადებული ნ.ი. დააკავეს.
გამოძიებით დადგინდა, რომ ბრალდებულები, სასაზღვრო საკონტროლო-გამტარი პუნქტის გვერდის ავლით, საქართველოს სახელმწიფო საზღვრის ჯგუფურად, უკანონოდ გადაკვეთას ცდილობდნენ.
გამოძიება საქართველოს სისხლის სამართლის კოდექსის 19-344-ე მუხლის მეორე ნაწილის „ა“ ქვეპუნქტით მიმდინარეობს“,- აღნიშნულია ინფორმაციაში.
v-if="article.gallery" v-html="article.gallery"
